HYMN 86

ubhA hi dasrA bhiSajA mayobhuvobhA dakSasya vacaso babhUvathuH
tA vAM vishvako havate tanUkRthe mA no vi yauSTaM sakhyA mumocatam
kathA nUnaM vAM vimanA upa stavad yuvaM dhiyaM dadathurvasyaiStaye
tA vAM vishvako ...
yuvaM hi SmA purubhujemamedhatuM viSNApve dadathurvasyaiSTaye
tA vAM vishvako ...
uta tyaM vIraM dhanasAM RjISiNaM dUre cit santamavase havAmahe
yasya svAdiSThA sumatiH pituryathA mA no vi yauSTaM sakhyA mumocatam
Rtena devaH savitA shamAyata Rtasya shRN^gamurviyA vi paprathe
RtaM sAsAha mahi cit pRtanyato mA no vi yauSTaM sakhyA mumocatam