HYMN 87

dyumnI vAM stomo ashvinA krivirna seka A gatam
madhvaHsutasya sa divi priyo narA pAtaM gaurAviveriNe
pibataM gharmaM madhumantamashvinA barhiH sIdataM narA
tA mandasAnA manuSo duroNa A ni pAtaM vedasA vayaH
A vAM vishvAbhirUtibhiH priyamedhA ahUSata
tA vartiryAtamupa vRktabarhiSo juSTaM yajñaM diviSTiSu
pibataM somaM madhumantamashvinA barhiH sIdataM sumat
tA vAvRdhAnA upa suSTutiM divo gantaM gaurAviveriNam
A nUnaM yAtamashvinAshvebhiH pruSitapsubhiH
dasrA hiraNyavartanI shubhas patI pAtaM somaM RtAvRdhA
vayaM hi vAM havAmahe vipanyavo viprAso vAjasAtaye
tAvalgU dasrA purudaMsasA dhiyAshvinA shruSTyA gatam