HYMN 2

pavasva devavIrati pavitraM soma raMhyA
indramindo vRSA visha
A vacyasva mahi psaro vRSendo dyumnavattamaH
A yoniM dharNasiH sadaH
adhukSata priyaM madhu dhArA sutasya vedhasaH
apo vasiSTa sukratuH
mahAntaM tvA mahIranvApo arSanti sindhavaH
yad gobhirvAsayiSyase
samudro apsu mAmRje viSTambho dharuNo divaH
somaH pavitre asmayuH
acikradad vRSA harirmahAn mitro na darshataH
saM sUryeNa rocate
girasta inda ojasA marmRjyante apasyuvaH
yAbhirmadAya shumbhase
taM tvA madAya ghRSvaya u lokakRtnumImahe
tava prashastayo mahIH
asmabhyamindavindrayurmadhvaH pavasva dhArayA
parjanyo vRSTimAniva
goSA indo nRSA asyashvasA vAjasA uta
AtmA yajñasya pUrvyaH