HYMN 67
tvaM somAsi dhArayurmandra ojiSTho adhvare
pavasva maMhayadrayiH
tvaM suto nRmAdano dadhanvAn matsarintamaH
indrAya sUrirandhasA
tvaM suSvANo adribhirabhyarSa kanikradat
dyumantaM shuSmamuttamam
indurhinvAno arSati tiro vArANyavyayA
harirvAjamacikradat
indo vyavyamarSasi vi shravAMsi vi saubhagA
vi vAjA.nsoma gomataH
A na indo shatagvinaM rayiM gomantamashvinam
bharA soma sahasriNam
pavamAnAsa indavastiraH pavitramAshavaH
indraM yAmebhirAshata
kakuhaH somyo rasa indurindrAya pUrvyaH
AyuH pavata Ayave
hinvanti sUramusrayaH pavamAnaM madhushcutam
abhi girA samasvaran
avitA no ajAshvaH pUSA yAmani\-yAmani
A bhakSat kanyAsu naH
ayaM somaH kapardine ghRtaM na pavate madhu
A bhakSat kanyAsu naH
ayaM ta AghRNe suto ghRtaM na pavate shuci
A bhakSat kanyAsu naH
vAco jantuH kavInAM pavasva soma dhArayA
deveSu ratnadhA asi
A kalasheSu dhAvati shyeno varma vi gAhate
abhi droNA kanikradat
pari pra soma te raso.asarji kalashe sutaH
shyeno na taktoarSati
pavasva soma mandayannindrAya madhumattamaH
asRgran devavItaye vAjayanto rathA iva
te sutAso madintamAH shukrA vAyumasRkSata
grAvNA tunno abhiSTutaH pavitraM soma gachasi
dadhat stotre suvIryam
eSa tunno abhiSTutaH pavitramati gAhate
rakSohA vAramavyayam
yadanti yacca dUrake bhayaM vindati mAmiha
pavamAnavi tajjahi
pavamAnaH so adya naH pavitreNa vicarSaNiH
yaH potAsa punAtu naH
yat te pavitramarciSyagne vitatamantarA
brahma tena punIhi naH
yat te pavitramarcivadagne tena punIhi naH
brahmasavaiH punIhi naH
ubhAbhyAM deva savitaH pavitreNa savena ca
mAM punIhi vishvataH
tribhiS TvaM deva savitarvarSiSThaiH soma dhAmabhiH
agne dakSaiH punIhi naH
punantu mAM devajanAH punantu vasavo dhiyA
vishve devAH punIta mA jAtavedaH punIhi mA
pra pyAyasva pra syandasva soma vishvebhiraMshubhiH
devebhya uttamaM haviH
upa priyaM panipnataM yuvAnamAhutIvRdham
aganma bibhratonamaH
alAyyasya parashurnanAsha tamA pavasva deva soma
AkhuM cideva deva soma
yaH pAvamAnIradhyety RSibhiH sambhRtaM rasam
sarvaMsa pUtamashnAti svaditaM mAtarishvanA
pAvamAnIryo adhyety RSibhiH sambhRtaM rasam
tasmai sarasvatI duhe kSIraM sarpirmadhUdakam
|