HYMN 68

pra devamachA madhumanta indavo.asiSyadanta gAva A na dhenavaH
barhiSado vacanAvanta UdhabhiH parisrutamusriyAnirNijaM dhire
sa roruvadabhi pUrvA acikradadupAruhaH shrathayan svAdatehariH
tiraH pavitramapriyannuru jrayo ni sharyANi dadhate deva A varam
vi yo mame yamyA saMyatI madaH sAkaMvRdhA payasA pinvadakSitA
mahI apAre rajasI vivevidadabhivrajannakSitaM pAja A dade
sa mAtarA vicaran vAjayannapaH pra medhiraH svadhayA pinvate padam
aMshuryavena pipishe yato nRbhiH saM jAmibhirnasate rakSate shiraH
saM dakSeNa manasA jAyate kavir{R}tasya garbho nihito yamA paraH
yUnA ha santA prathamaM vi jajñaturguhA hitaM janima nemamudyatam
mandrasya rUpaM vividurmanISiNaH shyeno yadandho abharat parAvataH
taM marjayanta suvRdhaM nadISvA ushantamaMshuM pariyantaM Rgmiyam
tvAM mRjanti dasha yoSaNaH sutaM soma RSibhirmatibhirdhItibhirhitam
avyo vArebhiruta devahUtibhirnRbhiryatovAjamA darSi sAtaye
pariprayantaM vayyaM suSaMsadaM somaM manISA abhyanUSata stubhaH
yo dhArayA madhumAnUrmiNA diva iyarti vAcaM rayiSAL amartyaH
ayaM diva iyarti vishvamA rajaH somaH punAnaH kalasheSu sIdati
adbhirgobhirmRjyate adribhiH sutaH punAna indurvarivo vidat priyam
evA naH soma pariSicyamAno vayo dadhaccitratamaM pavasva
adveSe dyAvApRthivI huvema devA dhatta rayimasme suvIram