HYMN 86

pra ta AshavaH pavamAna dhIjavo madA arSanti raghujA iva tmanA
divyAH suparNA madhumanta indavo madintamAsaH pari koshamAsate
pra te madAso madirAsa Ashavo.asRkSata rathyAso yathA pRthak
dhenurna vatsaM payasAbhi vajriNamindramindavo madhumanta UrmayaH
atyo na hiyAno abhi vAjamarSa svarvit koshaM divo adrimAtaram
vRSA pavitre adhi sAno avyaye somaH punAna indriyAya dhAyase
pra ta AshvinIH pavamAna dhIjuvo divyA asRgran payasA dharImaNi
prAntar{R}SayaH sthAvirIrasRkSata ye tvA mRjanty RSiSANa vedhasaH
vishvA dhAmAni vishvacakSa RbhvasaH prabhoste sataH pariyanti ketavaH
vyAnashiH pavase soma dharmabhiH patirvishvasya bhuvanasya rAjasi
ubhayataH pavamAnasya rashmayo dhruvasya sataH pari yanti ketavaH
yadI pavitre adhi mRjyate hariH sattA ni yonA kalasheSu sIdati
yajñasya ketuH pavate svadhvaraH somo devAnAmupa yAti niSkRtam
sahasradhAraH pari koshamarSati vRSA pavitramatyeti roruvat
rAjA samudraM nadyo vi gAhate.apAmUrmiM sacate sindhuSu shritaH
adhyasthAt sAnu pavamAno avyayaM nAbhA pRthivyA dharuNo maho divaH
divo na sAnu stanayannacikradad dyaushca yasya pRthivI ca dharmabhiH
indrasya sakhyaM pavate vivevidat somaH punAnaHkalasheSu sIdati
jyotiryajñasya pavate madhu priyaM pitA devAnAM janitA vibhUvasuH
dadhAti ratnaM svadhayorapIcyaM madintamo matsara indriyo rasaH
abhikrandan kalashaM vAjyarSati patirdivaH shatadhAro vicakSaNaH
harirmitrasya sadaneSu sIdati marmRjAno.avibhiHsindhubhirvRSA
agre sindhUnAM pavamAno arSatyagre vAco agriyo goSu gachati
agre vAjasya bhajate mahAdhanaM svAyudhaH sotRbhiH pUyate vRSA
ayaM matavAñchakuno yathA hito.avye sasAra pavamAna UrmiNA
tava kratvA rodasI antarA kave shucirdhiyA pavate soma indra te
drApiM vasAno yajato divispRshamantarikSaprA bhuvaneSvarpitaH
svarjajñAno nabhasAbhyakramIt pratnamasya pitaramA vivAsati
so asya vishe mahi sharma yachati yo asya dhAma prathamaM vyAnashe
padaM yadasya parame vyomanyato vishvA abhi saMyAti saMyataH
pro ayAsIdindurindrasya niSkRtaM sakhA sakhyurna pra minAti saMgiram
marya iva yuvatibhiH samarSati somaH kalashe shatayAmnA pathA
pra vo dhiyo mandrayuvo vipanyuvaH panasyuvaH saMvasaneSvakramuH
somaM manISA abhyanUSata stubho.abhi dhenavaH payasemashishrayuH
A naH soma saMyataM pipyushImiSamindo pavasva pavamAnoasridham
yA no dohate trirahannasashcuSI kSumad vAjavan madhumad suvIryam
vRSA matInAM pavate vicakSaNaH somo ahnaH pratarItoSaso divaH
krANA sindhUnAM kalashAnavIvashadindrasya hArdyAvishan manISibhiH
manISibhiH pavate pUrvyaH kavirnRbhiryataH pari koshAnacikradat
tritasya nAma janayan madhu kSaradindrasya vAyoH sakhyAya kartave
ayaM punAna uSaso vi rocayadayaM sindhubhyo abhavadu lokakRt
ayaM triH sapta duduhAna AshiraM somo hRde pavate cAru matsaraH
pavasva soma divyeSu dhAmasu sRjAna indo kalashe pavitra A
sIdannindrasya jaThare kanikradan nRbhiryataH sUryamArohayo divi
adribhiH sutaH pavase pavitra A indavindrasya jaThareSvAvishan
tvaM nRcakSA abhavo vicakSaNa soma gotramaN^girobhyo.avRNorapa
tvAM soma pavamAnaM svAdhyo.anu viprAso amadannavasyavaH
tvAM suparNa Abharad divas parIndo vishvAbhirmatibhiH pariSkRtam
avye punAnaM pari vAra UrmiNA hariM navante abhi sapta dhenavaH
apAmupasthe adhyAyavaH kaviM Rtasya yonA mahiSA aheSata
induH punAno ati gAhate mRdho vishvAni kRNvan supathAni yajyave
gAH kRNvAno nirNijaM haryataH kaviratyo na krILan pari vAramarSati
asashcataH shatadhArA abhishriyo hariM navante.ava tA udanyuvaH
kSipo mRjanti pari gobhirAvRtaM tRtIye pRSThe adhi rocane divaH
tavemAH prajA divyasya retasastvaM vishvasya bhuvanasya rAjasi
athedaM vishvaM pavamAna te vashe tvamindo prathamodhAmadhA asi
tvaM samudro asi vishvavit kave tavemAH pañca pradisho vidharmaNi
tvaM dyAM ca pRthivIM cAti jabhriSe tava jyotIMSi pavamAna sUryaH
tvaM pavitre rajaso vidharmaNi devebhyaH soma pavamAna pUyase
tvAmushijaH prathamA agRbhNata tubhyemA vishvA bhuvanAni yemire
pra rebha etyati vAramavyayaM vRSA vaneSvava cakradaddhariH
saM dhItayo vAvashAnA anUSata shishuM rihanti matayaH panipnatam
sa sUryasya rashmibhiH pari vyata tantuM tanvAnastrivRtaMyathA vide
nayannRtasya prashiSo navIyasIH patirjanInAmupa yAti niSkRtam
rAjA sindhUnAM pavate patirdiva Rtasya yAti pathibhiH kanikradat
sahasradhAraH pari Sicyate hariH punAno vAcaM janayannupAvasuH
pavamAna mahyarNo vi dhAvasi sUro na citro avyayAni pavyayA
gabhastipUto nRbhiradribhiH suto mahe vAjAya dhanyAya dhanvasi
iSamUrjaM pavamAnAbhyarSasi shyeno na vaMsu kalasheSusIdasi
indrAya madvA madyo madaH suto divo viSTambha upamo vicakSaNaH
sapta svasAro abhi mAtaraH shishuM navaM jajñAnaM jenyaM vipashcitam
apAM gandharvaM divyaM nRcakSasaM somaMvishvasya bhuvanasya rAjase
IshAna imA bhuvanAni vIyase yujAna indo haritaH suparNyaH
tAste kSarantu madhumad ghRtaM payastava vrate soma tiSThantu kRSTayaH
tvaM nRcakSA asi soma vishvataH pavamAna vRSabha tA vi dhAvasi
sa naH pavasva vasumad dhiraNyavad vayaM syAma bhuvaneSu jIvase
govit pavasva vasuvid dhiraNyavid retodhA indo bhuvaneSvarpitaH
tvaM suvIro asi soma vishvavit taM tvA viprA upa girema Asate
un madhva UrmirvananA atiSThipadapo vasAno mahiSo vi gAhate
rAjA pavitraratho vAjamAruhat sahasrabhRSTirjayati shravo bRhat
sa bhandanA udiyarti prajAvatIrvishvAyurvishvAH subharA ahardivi
brahma prajAvad rayimashvapastyaM pIta indavindramasmabhyaM yAcatAt
so agre ahnAM harirharyato madaH pra cetasA cetayate anudyubhiH
dvA janA yAtayannantarIyate narA ca shaMsaM daivyaM ca dhartari
añjate vyañjate samañjate kratuM rihanti madhunAbhyañjate
sindhorucchvAse patayantamukSaNaM hiraNyapAvAH pashumAsu gRbhNate
vipashcite pavamAnAya gAyata mahI na dhArAtyandho arSati
ahirna jUrNAmati sarpati tvacamatyo na krILannasarad vRSA hariH
agrego rAjApyastaviSyate vimAno ahnAM bhuvaneSvarpitaH
harirghRtasnuH sudRshIko arNavo jyotIrathaH pavate rAya okyaH
asarji skambho diva udyato madaH pari tridhAturbhuvanAnyarSati
aMshuM rihanti matayaH panipnataM girA yadi nirNijaM RgmiNo yayuH
pra te dhArA atyaNvAni meSyaH punAnasya saMyato yantiraMhayaH
yad gobhirindo camvoH samajyasa A suvAnaH soma kalasheSu sIdasi
pavasva soma kratuvin na ukthyo.avyo vAre pari dhAva madhu priyam
jahi vishvAn rakSasa indo atriNo bRhad vadema vidathesuvIrAH