HYMN 8

pra ketunA bRhatA yAtyagnirA rodasI vRSabho roravIti
divashcidantAnupamAnudAnaL apAmupasthe mahiSovavardha
mumoda garbho vRSabhaH kakudmAnasremA vatsaH shimIvAnarAvIt
sa devatAtyudyatAni kRNvan sveSu kSayeSuprathamo jigAti
A yo mUrdhAnaM pitrorarabdha nyadhvare dadhire sUroarNaH
asya patmannaruSIrashvabhudhnA Rtasya yonautanvo juSanta
uSa\-uSo hi vaso agrameSi tvaM yamayorabhavo vibhAvA
RtAya sapta dadhiSe padAni janayan mitraM tanve svAyai
bhuvashcakSurmaha Rtasya gopA bhuvo varuNo yad RtAyaveSi
bhuvo apAM napAjjAtavedo bhuvo dUto yasyahavyaM jujoSaH
bhuvo yajñasya rajasashca netA yatrA niyudbhiH sacaseshivAbhiH
divi mUrdhAnaM dadhiSe svarSAM jihvAmagnecakRSe havyavAham
asya tritaH kratunA vavre antarichan dhItiM piturevaiHparasya
sacasyamAnaH pitrorupasthe jAmi bruvANaAyudhAni veti
sa pitryANyAyudhani vidvanindreSita Aptyo abhyayudhyat
trishIrSANaM saptarashmiM jaghanvAn tvASTrasya cinniH sasRje trito gAH
bhUrIdindra udinakSantamojo.avAbhinat satpatirmanyamAnam
tvASTrasya cid vishvarUpasya gonAmAcakraNastrINi shIrSA parA vark