HYMN 30

A va indraM kriviM yathA vAjayantaH shatakratum
maMhiSThaM siñca indubhiH
shataM vA yaH shucInAM sahasraM vA samAshirAm
edu nimnaM na rIyate
saM yan madAya shuSmiNa enA hyasyodare
samudro na vyaco dadhe
ayamu te samatasi kapota iva garbhadhim
vacastaccin na ohase
stotraM rAdhAnAM pate girvAho vIra yasya te
vibhUtirastusUnRtA
UrdhvastiSThA na Utaye.asmin vAje shatakrato
samanyeSu bravAvahai
yoge\-yoge tavastaraM vAje\-vAje havAmahe
sakhAya indramUtaye
A ghA gamad yadi shravat sahasriNIbhirUtibhiH
vAjebhirupa no havam
anu pratnasyaukaso huve tuvipratiM naram
yaM te pUrvaM pitA huve
taM tvA vayaM vishvavArA shAsmahe puruhUta
sakhe vaso jaritRbhyaH
asmAkaM shipriNInAM somapAH somapAvnAm
sakhe vajrin sakhInAm
tathA tadastu somapAH sakhe vajrin tathA kRNu
yathA ta ushmasISTaye
revatIrnaH sadhamAda indre santu tuvivAjAH
kSumanto yAbhirmadema
A gha tvAvAn tmanApta stotRbhyo dhRSNaviyAnaH
RNorakSaM na cakryoh
A yad duvaH shatakratavA kAmaM jaritR^INAm
RNorakSaM na shacIbhiH
shashvadindraH popruthadbhirjigAya nAnadadbhiH shAshvasadbhirdhanAni
sa no hiraNyarathaM daMsanAvAn sa naH sanitA sanaye sa no.adAt
AshvinAvashvAvatyeSA yataM shavIrayA gomad dasrA hiraNyavat
samAnayojano hi vAM ratho dasrAvamartyaH
samudre ashvineyate
vyaghnyasya mUrdhani cakraM rathasya yemathuH
pari dyAmanyadIyate
kasta uSaH kadhapriye bhuje marto amartye
kaM nakSase vibhAvari
vayaM hi te amanmahyAntAdA parAkAt
ashve na citre aruSi
tvaM tyebhirA gahi vAjebhirduhitardivaH
asme rayiM nidhAraya