Table of Contents | Words: Alphabetical - Frequency - Inverse - Length - Statistics | Help | IntraText Library
Jayaditya & Vamana
Kasikavrtti
IntraText CT - Text
Previous - Next
Click here to hide the links to concordance
na bhā-bhū-pū-kami-gami-pyāyī-vepām || PS_8,4.34 ||


_____START JKv_8,4.34:

bhā bhū pū kami gami payāyī vepa ity eteṣām upasargasthāt nimittād uttarasya kr̥tsthasya nakārasya ṇakārādeśo na bhavati /
bhā - prabhānam /
paribhānam /
bhū - prabhavanam /
paribhavanam /
pū - prapavanam /
paripavanam /
pūgrahaṇena pūñgrahaṇaṃ draṣṭavyam /
pūṅo hi bhavaty eva ṇatvam, prapavaṇaṃ somasya iti /
kami - prakamanam /
parikamanam /
gami - pragamanam /
parigamanam /
pyāyī - prapyāyanam /
paripyāyanam /
vepa - pravepanam /
parivepanam /
ṇyantānāṃ bhādīnām upasaṅkhyānaṃ kartavyam /
prabhāpanam /
paribhāpanam //


_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _


[#974]



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
IntraText® (V89) Copyright 1996-2007 EuloTech SRL