Kasikavrtti: text - IntraText CT

Table of Contents | Words: Alphabetical - Frequency - Inverse - Length - Statistics | Help | IntraText Library

Jayaditya & Vamana
Kasikavrtti
IntraText CT - Text

8
- 1
  - dvandvam rahasya-maryadavacana-vyutkramana-yajñapatraprayoga-abhivyaktisu

Previous - Next

Click here to show the links to concordance

dvandvaṃ rahasya-maryādāvacana-vyutkramaṇa-yajñapātraprayoga-abhivyaktiṣu || PS_8,1.15 ||

_____START JKv_8,1.15:

dvandvam iti dviśabdasya dvirvacanam, pūrva padasyāmbhāvaḥ, attvaṃ ca+uttarapadasya nipātyate rahasya maryādāvacana vyutkramaṇa yajñapātraprayoga abhivyakti ity eteṣu artheṣu /
tatra rahasyaṃ dvandvaśabdavācyam, itare viṣayabhūtāḥ /
dvandvaṃ mantrayate /
maryādāvacane - maryādā sthītyanatikramaḥ /
ācaturaṃ hīme paśavo dvandvaṃ mithunīyanti /
mātā putreṇa mithunaṃ gacchati, pautreṇa, tatputreṇa api iti maryādārthaḥ /
vyutkramaṇe - dvandvaṃ vyutkrāntāḥ /
vyutkramaṇaṃ bhedaḥ, pr̥thagavasthānam /
dvivargasambandhanena pr̥thagavasthitā dvanvdvaṃ vyutkrāntā ity ucyante /
yajñapātraprayoge - dvandvaṃ nyañci yajñapātrāṇi prayunakti dhīraḥ /
abhivyaktau - dvandvaṃ nāradaparvatau /
dvandvaṃ saṅkarṣaṇavāsudevau /
dvāvapyabhivyaktau sāhacaryeṇa ity arthaḥ /
anyatra api dvandvam ity etad dr̥śyate, tadarthaṃ yogavibhāgaḥ kartavyaḥ, dvandvaṃ yuddhaṃ vartate, dvandvāni sahate dhīraḥ, cārthe dvandvaḥ (*2,2.29) iti //

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Previous - Next

Table of Contents | Words: Alphabetical - Frequency - Inverse - Length - Statistics | Help | IntraText Library