Kasikavrtti: text - IntraText CT

Table of Contents | Words: Alphabetical - Frequency - Inverse - Length - Statistics | Help | IntraText Library

Jayaditya & Vamana
Kasikavrtti
IntraText CT - Text

8
- 2
  - dader dhator ghah

Previous - Next

Click here to show the links to concordance

dāder dhātor ghaḥ || PS_8,2.32 ||

_____START JKv_8,2.32:

dakārādeḥ dhātoḥ hakārasya ghakārādeśo bhavati jhali parataḥ padānte ca /
dagdhā /
dagdhum /
dagdhavyam /
kāṣṭhadhak /
dogdhā /
dogdhum /
dogdhavyam /
godhuk /
dādeḥ iti kim ? leḍhā /
leḍhum /
leḍhavyam /
guḍaliṭ /
dhātoḥ iti dādisamānādhikaraṇam etan na, kiṃ tarhi, tadviśeṣaṇam avayavaṣaṣṭhyantam, dhātor avayavo yo dādiḥ śabdas tad avayavasya hakārasya iti /

[#918]

kiṃ kr̥taṃ bhavati ? adhok ity atra api ghakāraḥ siddho bhavati /
kathaṃ dogdhā, dogdhum iti ? vyapadeśivadbhāvāt /
atha vā dhātūpadeśe yo dādiḥ ity evaṃ vijñāyate /
tathā ca dāmalihamicchati dāmalihyati, dāmalihyateḥ kvip pratyayaḥ dāmaliṭ ity atra api na bhavati //

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Previous - Next

Table of Contents | Words: Alphabetical - Frequency - Inverse - Length - Statistics | Help | IntraText Library