Kasikavrtti: text - IntraText CT

Table of Contents | Words: Alphabetical - Frequency - Inverse - Length - Statistics | Help | IntraText Library

Jayaditya & Vamana
Kasikavrtti
IntraText CT - Text

8
- 4
  - at-ku-pv-an-num-vyavaye 'pi

Previous - Next

Click here to show the links to concordance

aṭ-ku-pv-āṅ-num-vyavāye 'pi || PS_8,4.2 ||

_____START JKv_8,4.2:

aṭ ku pu āṅ num ity etair vyavāye 'pi rephaṣākārabhyām uttarasya nakārasya ṇakārādeśo bhavati /
aḍvyavāye tāvat - karaṇam /
haraṇam kiriṇā /
giriṇā /
kuruṇā /
guruṇā /
kavargavyavāye - arkeṇa /
mūrkheṇa /
gargeṇa /
argheṇa /
pavargavyavāye - darpeṇa /
repheṇa /
garbheṇa /
carmaṇā /
varmaṇā /
āṅvyavāye - paryāṇaddham /
nirāṇaddham /
aḍvyavāye iti siddhe āṅgrahaṇaṃ padavyavāye ity asya pratiṣedhasya bādhanārtham /
nuṃvyavāye - br̥ṃhaṇam /
br̥ṃhaṇīyam /
nuṃgrahaṇam anusvāropalakṣaṇārthaṃ draṣṭavyam /
tena tr̥ṃhaṇam, tr̥ṃhaṇīyam ity atra anusvāravyavāye numabhāve 'pi ṇatvaṃ bhavati /
saty api ca numi yatra anusvāro na śrūyate tatra na bhavati, prenvanam, prenvanīyam iti /
vyavāyopalakṣaṇārthatvād aḍādīnām iha vyastaiḥ samastair vyavāye 'pi ṇatvaṃ bhavati //

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Previous - Next

Table of Contents | Words: Alphabetical - Frequency - Inverse - Length - Statistics | Help | IntraText Library