Kasikavrtti: text - IntraText CT

Table of Contents | Words: Alphabetical - Frequency - Inverse - Length - Statistics | Help | IntraText Library

Jayaditya & Vamana
Kasikavrtti
IntraText CT - Text

1
- 4
  - karmana yam abhipraiti sa sampradanam

Previous - Next

Click here to show the links to concordance

karmaṇā yam abhipraiti sa sampradānam || PS_1,4.32 ||

_____START JKv_1,4.32:

karmaṇā karaṇa-bhūtena kartā yam abhipraiti tat kārakaṃ sampradānasañjñaṃ bhavati /
anvarthasañjñā-vijñānād dadāti-karmaṇā iti vijñāyate /
upādhyāyāya gāṃ dadāti /
māṇavakāya bhikṣāṃ dadāti /
kriyā-grahaṇam api kartavyam /
kriyayā 'pi yam abhipraiti sa sampradānam /
śrāddhāya nigarhate /
yuddhāya sannahyate /
patye śete /
sampradānapradeśāḥ - caturthī sampradāne (*2,3.13) ity evam ādayaḥ /
karmaṇaḥ karaṇasañjñā vaktavyā sampradānasya ca karmasañjñā /
paśunā rudraṃ yajate /
paśuṃ rudrāya dadāti ity arthaḥ //

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

[#82]

Previous - Next

Table of Contents | Words: Alphabetical - Frequency - Inverse - Length - Statistics | Help | IntraText Library