Transmetohet nga ‘Abdull-llah bin ‘Umeri r. a. se i Dërguari i All-llahut a. s. e ka takuar Zejd bin ‘Amr bin Nufejlin në pjesën e poshtme (të kodrës) Baldah para se t’i vijë shpallja të Dërguarit të All-llahut a. s. . Dikush i kishte ofruar ushqim të Dërguarit të All-llahut a. s. , por ai kishte refuzuar. (Atëherë i ishte dhënë Zejdit), i cili kishte thënë: “Unë nuk dua të ha diçka nga ajo që e keni therrur në Nusub (vende ku idhujtarët therrnin kurban për idhujt e tyre në kohën paraislamike) në emër të idhujve tuaj. Unë ha vetëm nga ajo (kafshë, mish) që është therrur duke u përmendur emri i All-llahut. ” Zejd bin ‘Amri kritikonte mënyrën se si kurejshët therrnin kafshët, dhe thoshte: “All-llahu e ka krijuar delen dhe e ka lëshuar ujin prej qiellit për të, dhe Ai e ka rritur barin për të prej tokës, e mëgjithkëtë ju e therrni atë në emër të tjetërkujt, pos All-llahut. ” Ai thoshte kështu, sepse ai e hidhte poshtë këtë traditë dhe e konsideronte si të urrejtur.

Transmetoi Ibn ‘Umeri r. a. : Zejd bin ‘Amr bin Nufejli ka shkuar në Sham (regjioni që i përfshin Sirinë, Libinë, Palestinën dhe Jordanin), duke kërkuar fenë e vërtetë për ta përcjellur (praktikuar). Atje takoi një dijetar jehud (hebre) dhe e pyeti për fenë e tyre. Ai tha: “Unë kam ndërmend ta përqafoj fenë tuaj, prandaj më trego diçka për të. ” Hebreu tha: “Ti nuk do ta përqafosh fenë tonë derisa të pranosh pjesën e hidhërrimit të All-llahut. ” Zejdi tha: “Unë nuk ikë (prej tjetërgjëje), pos prej hidhërrimit të All-llahut, dhe unë nuk do ta pranoj asnjë pjesë prej tij (hidhërrimit) nëse do të kem mundësi që t’i shmangem. A mund të më tregosh për ndonjë fe tjetër?” Ai tha: “Unë nuk njoh tjetër pos Hanifës (Monoteizmit Islam). ” Zejdi pyeti: “Ç’është Hanif?” Ai tha: “Hanif është feja e Ibrahimit u, ai nuk ka qenë as hebre, as i krishter, dhe adhuronte vetëm All-llahun. ” Atëherë Zejdi doli dhe takoi një dijetar fetar të krishter dhe ia tha të njëjtën. Krishteri tha: “Nuk do ta përqafosh fenë tonë derisa të pranosh një pjesë nga mallkimi i All-llahut. ” Zejdi tha: “Unë nuk ikë (prej tjetërgjëje), pos prej mallkimit të All-llahut, dhe unë nuk do të pranoj as mallkim e as hidhërrim nga Ai nëse do të kem fuqi që t’u shmangem. A mund të më tregosh për ndonjë fe tjetër?” Ai tha: “Unë nuk njoh tjetër pos Hanifës (Monoteizmit Islam). ” Zejdi pyeti: “Ç’është Hanif?” Ai tha: “Hanif është feja e Ibrahimit u, ai nuk ka qenë as hebre, as i krishter, dhe adhuronte vetëm All-llahun. ” Kur Zejdi dëgjoi mendimet e tyre për Ibrahimin (dhe fenë e tij), e lëshoi atë vend dhe kur doli, i ngriti dy duart dhe tha: “O All-llah! Po të bëj dëshmitar se unë jam në fenë e Ibrahimit”.

Ka transmetuar Esma bint Ebu Bekr r. a. : E pash Zejd bin ‘Amr bin Nufejlin si rrin i kthyer me shpinën e tij kah Kabja duke thënë: “O populli Kurejsh! Për All-llahun, askush nga ju nuk është në fenë e Ibrahimit pos meje. ” Ajo (Esma) shtoi: Ai (Zejdi) nuk vriste vajzat e vogla; nëse dikush do të dëshironte ta vrasë vajzën e vet, do t’i thoshte: “Mos e vrit, sepse unë do ta ushqej në dobi tënde!” Ashtu ai do ta merrte, dhe kur do të rritej bukur mirë, do t’i thoshte babait të saj: “Tani, nëse dëshiron, do ta jap, dhe nëse dëshiron, do ta ushqej (përsëri) në dobi tënde. ” (Sahihul-Buhari, vëll. 5, had. 169).