b) Transmetoi Aisha r. a. : I Dërguari i All-llahut a. s. tha: “Bëji veprat e mira me rregullsi, me sinqeritet dhe modesti. Pranoji këto lajme të mira, sepse veprat e mira nuk e shtijnë dikë në Xhennet. ” E pyetën: “A edhe ty, o i Dërguar All-llahut?” Ai tha: “Edhe unë, derisa All-llahu nuk më mbron me faljen e Tij dhe mëshirën e Tij. ” (Sahihul-Buhari, vëll. 8, had. 474). 

c) Transmetohet nga Ebu Hurejre r. a. : I Dërguari i All-llahut a. s. tha: “Nëse do të kisha ar (në sasi të barabartë) sa kodra Uhud, nuk do të më kishte pëlqyer që të rrijë te unë tri netë (d. m. th. do ta kisha harxhuar në rrugë të Zotit), përveç asaj që do ta kisha mbajtur për t’i shpaguar borxhet. ” (Sahihul-Buhari, vëll. 8, had. 452).

d) Transmetoi ‘Abdull-llahu r. a. : I Dërguari i All-llahut a. s. tha: “Kush prej jush e konsideron pasurinë e pasardhësve të vet më të dashur se pasurinë e vet?” Ata iu përgjigjën: “Nuk ka kush, o i Dërguar i All-llahut, çdonjë don pasurinë e vet më shumë! I Dërguari i All-llahut a. s. tha: “Pasuri është ajo që shpenzohet (në rrugë të All-llahut) gjatë jetës (në vepra të mira), derisa pasuria e pasardhësve është ajo që e le pas vdekjes. ” (Sahihul-Buhari, vëll. 8, had. 449).

e) Transmetoi Ebu Hurejre r. a. : I Dërguari i All-llahut a. s. tha: “Derisa një qen rrotullohej rreth një pusi dhe ishte duke cofur nga etja, një prostitute hebreje e pa, i nxorri këpucët e saja dhe i dha ujë. Kështu All-llahu ia fali (mëkatet) për hir të asaj vepre të mirë. ” (Sahihul-Buhari, vëll. 4, had. 673).