| Table of Contents | Words: Alphabetical - Frequency - Inverse - Length - Statistics | Help | IntraText Library |
Kur’ani IntraText CT - Text |
|
|
|
185. (ato ditë të numëruara janë) Muaji i Ramadanit që në te (filloi të) shpallet Kur’ani, që është udhërëfyes për njerëz dhe sqaruesi i rrugës së drejtë dhe dallues (i të vërtetës nga gënjeshtra). E kush e përjeton prej jush këtë muaj, le të agjërojë, ndërsa kush është i sëmurë ose në udhëtim, le të agjërojë aqë ditë nga ditët e mëvonshme. All-llahu me këtë dëshiron lehtësim për ju, e nuk dëshiron vështërsim për ju. (të agjëroni ditët e lëshuara më vonë) Që të plotësoni numrin, të madhëroni All-llahun për atë se u udhëzoi dhe që të falenderoni. 65
|
65 Transmetoi Talha bin ‘Ubejdull-llah: Një beduain me flokë të shprishura erdhi te Lajmëtari i All-llahut a. s. dhe tha: “O Lajmëtar i All-llahut! Më informo çka ka bërë All-llahu të obliguar për mua lidhur me faljen (salat)!” Ai u përgjigj: “Je i detyruar t’i kryesh pesë faljet e detyrueshme gjatë ditës dhe natës (24 orëve) me përkryerje, përveç nëse dëshiron të falesh edhe vullnetarisht (nafile). ” Beduini pastaj pyeti: “Më informo çka ka bërë All-llahu të obliguar për mua lidhur me agjërimin (saum)?” Ai u përgjigj: “Duhet të agjërosh gjatë tërë muajit Ramadan, përveç nëse dëshiron të agjërosh edhe vullnetarisht (nafile). ” Beduini pastaj pyeti: “Më trego çfarë sasie zekati ka urdhëruar All-llahu për mua?” Kështu i Dërguari i All-llahut a. s. e njohtoi për të gjitha Ligjet (fundamentale) të Islamit. Atëherë beduini tha: “Pasha Atë që të ka nderuar, unë as nuk do të bëj ndonjë vepër vullnetare, e as që do të pakësoj diçka nga ajo që më ka urdhëruar All-llahu. ” I Dërguari i All-llahut a. s. tha: “Nëse e thotë të vërtetën, do të ketë sukses (do të hyjë në Xhennet). ” (Sahihul-Buhari, vëll. 3, had. 115). b) Transmetoi Ebu Hurejre r. a. : I Dërguari i All-llahut a. s. tha: “Agjërimi është mburojë (prej zjarrit*), prandaj agjëruesi duhet ta lë kontaktin seksual me gruan e vet dhe nuk guxon të sillet keq dhe me paturpësi, dhe nëse dikush e sulmon ose e shan, le t’i thotë dy herë “Unë agjëroj”. Lajmëtari a. s. shtoi: “Pasha Atë në Dorën e të Cilit është shpirti im, era që vjen nga goja e agjëruesit është më e mirë te All-llahu sesa era e miskut. ” (All-llahu thotë për agjëruesin): “Ai i ka lënë ushqimin, pirjen dhe kënaqësitë për hir Tim. Agjërimi është për Mua**, dhe unë do ta shpërblej për këtë, dhe shpërblimi për veprat e mira i është shumuar për dhjetë herë. ” (Sahihul-Buhari, vëll. 3, had. 118). * Shih Fet’hul-Bari vëll. 5, fq. 5 ** Edhepse të gjitha veprat e adhurimit janë për All-llahun, këtu All-llahu e veçon agjërimin, sepse agjërimi nuk mund të praktikohet për t’u treguar, siç nuk mund ta dijë askush se a agjëron ndonjë njeri apo jo, përveç All-llahut. Prandaj, agjërimi është vepër e pastër që nuk mund të kryhet me dyfytyrësi. Fet’hul-Bari vëll. 5, fq. 10 c) Transmetoi Ebu Hurejre r. a. : I Dërguari i All-llahut a. s. tha: “All-llahu nuk ka nevojë që dikush ta lë ushqimin (për hir të agjërimit) nëse nuk i le të folurit e rrejshëm, dëshminë e rrejshme, të vepruarit me këto (rrena) dhe veprat e këqia. (Dmth All-llahu nuk do t’ia pranojë agjërimin*)” (Sahihul-Buhari, vëll. 3, had. 127). * Shih Fet’hul-Bari vëll. 5, fq. 18
|
Table of Contents | Words: Alphabetical - Frequency - Inverse - Length - Statistics | Help | IntraText Library |
Best viewed with any browser at 800x600 or 768x1024 on Tablet PC IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License |