| Table of Contents | Words: Alphabetical - Frequency - Inverse - Length - Statistics | Help | IntraText Library |
Kur’ani IntraText CT - Text |
|
|
|
191. Dhe luftoni ata kudo që t’i zini, dëboni prej vendit ata sikurse ju përzuan ata juve. Fitneja68 është më e rëndë se vrasja. Mos i luftoni ata pranë xhamisë së shenjtë (Mesxhidul-Haram69 ) deri që ata t’ju luftojnë juve aty, e nëse ju sulmojnë, atëherë sulmoni edhe ju ata. I këtillë është ndëshkimi ndaj pabesimtarëve.
|
68 Fitne: sprovim, fatkeqësi, politeizëm (shirk), mosbesim, etj.
69 Transmëtoi Ebu Bekri r. a. : Lajmëtari a. s. na ligjëroi një ligjërim (hutbe) në ditën e Nehrit (dita e dhjetë e muajit dhul-Hixhxhe). Ai tha: “A e dini se çfarë dite është sot?” Ne thamë: “All-llahu dhe i Dërguari i Tij e dinë më mirë. ” Ai ndejti i qetë aq, sa ne menduam se do t’i japë asaj dite emër tjetër. Ai tha: “A nuk është kjo dita e Nehrit?” Ne thamë: “Po, është. ” Ai pastaj pyeti: “Cili muaj është ky?” Ne thamë: “All-llahu dhe i Dërguari i Tij e dinë më mirë. ” Ai ndejti i qetë aq, sa ne menduam se do t’i japë emër tjetër. Ai atëherë tha: “A nuk është muaji dhul-Hixhxhe?” Ne thamë: “Po, është. ” Ai pastaj pyeti: “Cili qytet është ky?” Ne thamë: “All-llahu dhe i Dërguari i Tij e dinë më mirë. ” Ai ndejti i qetë aq, sa ne menduam se do t’i japë emër tjetër. Ai atëherë tha: “A nuk është ky qyteti i palejuar (i shenjtë-Mekka)?” Ne thamë: “Po, është. ” Ai tha: “Pa dyshim, gjaku dhe pasuria juaj janë të shenjtë, siç është e shenjtë kjo ditë e juaj, në këtë muaj të juaj, në këtë qytet të juaj, deri në ditën kur do ta takoni Zotin tuaj. S’ka dyshim! A nuk jua përcolla lajmin e All-llahut jush?” Ne thamë: “Po. ” Ai tha: “O All-llah, bëju dëshmitar! U takon atyre që janë prezentë që t’ua transmetojnë këtë (lajm) atyre që mungojnë, sepse i informuari mund ta kuptojë (atë që e thash) më mirë se ai që është prezent, i cili ia transmeton. Keni kujdes! Mos braktisni fenë pas meje me atë që do t’ia mëshoni qafave (do t’i preni kokat) e njëri- tjetrit!” (Sahihul-Buhari, vëll. 2, had. 797).
|
Table of Contents | Words: Alphabetical - Frequency - Inverse - Length - Statistics | Help | IntraText Library |
Best viewed with any browser at 800x600 or 768x1024 on Tablet PC IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License |