| Table of Contents | Words: Alphabetical - Frequency - Inverse - Length - Statistics | Help | IntraText Library |
Kur’ani IntraText CT - Text |
|
|
|
7. Në rrugën e atyre ndaj të cilëve ke bekimin, 21 e jo në të atyre që je i hidhëruar22 , dhe që kanë humbur23 ! 24 25
|
21 Ata ndaj të cilëve All-llahu ka bekimin e Tij janë lajmëtarët, të sinqertit, dëshmorët dhe të mirët, siç thotë All-llahu: “Dhe çdonjë që i nënshtrohet All-llahut dhe Lajmëtarit, do të jetë në shoqëri me ata ndaj të cilëve All-llahu ka bekimin e Tij, nga lajmëtarët, të sinqertit, dëshmorët dhe të mirët. Po sa shoqëri e mirë që janë këta!” /4:69/).
22 Thuhet:“. . . jo në (rrugën) e atyre që je i hidhëruar. . . ” siç janë jahuditë, për shkak se ata mohonin argumentet e All-llahut, vritnin të Dërguarit e Tij dhe bënin çorodi tjera në tokë, kuptohet, me përjashtim të atyre që pranuan të Vërtetën. Shih ajetin (2:83).
23 “. . . e as në (rrugën) e atyre që kanë humbur!” siç janë të krishterët, sepse ata prej dashurisë të madhe ndaj Isait a. s. filluan të thonë se ai është bir i Zotit, ndërsa më vonë filluan të thonë se ai është një prej tre zotërave, me çka dolën nga rruga e drejtë dhe u bënë prej të humburve. Shih ajetin (5:73) me përjashtime, shih (2:63).
24 Shih fusnotën për ajetin (2:135).
25 Transmetohet nga Ebu Hurejre r. a. se Lajmëtari i All-llahut a. s. ka thënë: “Kur imami thotë ‘Gajril magdubi alejhim we led-dalin’ (jo në të atyre që je i hidhëruar, e as në të atyre që kanë humbur) atëherë ju duhet të thuani Amin, sepse nëse dikujt i takohet kjo thënie me thënien e melekëve, atëherë atij i falen mëkatet e kaluara. ” (Sahihul-Buhari, vëll. 6, had. 2).
|
Table of Contents | Words: Alphabetical - Frequency - Inverse - Length - Statistics | Help | IntraText Library |
Best viewed with any browser at 800x600 or 768x1024 on Tablet PC IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License |