LUCAS
1
1 Doben Teofilo, ema barak haka’as an ona atu
haktuir buat hirak nebe mosu iha ita leet, 2 nudar
sira nebe hare ho matan rasik houri uluk no sira nebe haklaken liafuan hato’o
mai ita. 3 Tan ne’e, ha’u hanoin atu, buka tiha atu
hatene lo-los buat hotu houri uluk kedas, ha’u hakerek fali di-diak buat hirak
ne’e ba o, 4 atu o bele hatene katak lia hotu nebe
o simu, lia los duni.
5
Iha tempu nebe liurai Herodes ukun iha Judeia, iha am’lulik ida naran
Zacarias, housi Abias nia uma-kain. Nia kaben naran Isabel mai housi Aarao nia
uma-kain. 6 Sira na’in rua ema diak los iha Maromak
futar oin. Sira halo tuir ho laran mos Na’i nia ukunfuan hotu. 7
Maibe sira oan la iha, basa Isabel la ko’us, no sira nia otas boot ona.
8
Wainhira Zacarias ho nia maluk am’lulik sira serbi iha Na’i futar oin, 9
tuir sira nia lisan, sira dada sorte, hodi fihir nia atu sunu kiarben
morin iha Na’i nia santuariu. 10 Povu tomak hamulak
iha liur iha oras nebe hasa’e kiarben morin. 11 Na’i
nia anju mosu ba Zacarias iha altar nia sorin kuana. 12 Hare
tiha ne’e, Zacarias hakfodak hodi tauk teb-tebes. 13 Maibe
anju dehan ba nia: “Keta tauk, Zacarias, basa Maromak rona tiha o nia hamulak.
O nia kaben Isabel sei ko’us oan mane ida. O sei hanaran nia Joao. 14
O sei haksolok teb-tebes; ema barak sei hetan ksolok wainhira nia moris. 15
Nia sei sai boot iha Maromak futar oin. Nia sei la hemu tua ka buat nebe
halo ema lanu. Iha nia inan nia knotak kedas, nia sei sai nakonu ho Espiritu
Santu. 16 Nia sei halo Israel nia oan barak fila
fali ba Na’i, sira nia Maromak. 17 Nia sei la’o
uluk Na’i ho Elias nia espiritu no kbiit, atu halo aman sira nia fuan fila ba
sira nia oan sira, no mos halo ema fuan tos sira hatene lo-los nudar ema
matenek sira, atu hadia ba Na’i povu ida nebe diak los.” 18
Zacarias hatan ba anju: “Oin sa ha’u bele hatene buat hirak ne’e? Ha’u
katuas ona, no ha’u nia kaben mos ferik ona.” 19 Anju
simu fali: “Ha’u mak Gabriel nebe hamriik iha Maromak futar oin. Nia haruka
ha’u mai atu koalia ba o, hodi hato’o ba o lia foun diak ida ne’e. 20
Maibe o sei sai monok hodi la koalia tan to’o loron nebe buat hirak ne’e
sei mosu, basa o la fiar ha’u nia liafuan nebe sei sai tuir los iha nia tempu.”
21
Ema lubun boot hein Zacarias iha liur hodi hakfodak, basa nia hela kleur
iha santuariu laran. 22 Wainhira nia sai, nia la
bele koalia ba sira; tan ne’e sira hatene katak nia hetan visaun ida iha
santuariu. Nia halo sinal oi-oin ba sira, hodi hela monok nafatin. 23
Wainhira nia loron atu serbi hotu ona, nia fila ba uma. 24
Liu tiha loron hirak ne’e, nia feen Isabel ko’us, hodi haksumik an iha
fulan lima nia laran. Nia dehan: 25 “Nune’e mak
Na’i halo mai ha’u, hodi fase ha’u nia moe iha ema hotu nia oin.”
26
Liu tiha fulan neen, Maromak haruka anju Gabriel ba knua ida Galileia
nian, naran Nazare, 27 ba fetoran ida nebe hakotu
tiha ona ba mane ida naran Jose, housi David nia uma-kain; fetoran ne’e naran
Maria. 28 Tama tiha iha nia uma, anju dehan: “Rahun
diak, feto kmanek wa’in tebes! Na’i ho ita!” 29 Rona
tiha lia ne’e, nia laran taridu hodi husu ba nia an rasik kumprimentu ne’e
katak sa los. 30 Anju dehan ba nia: “Keta tauk,
Maria; basa o hetan rahun diak tebes iha Maromak futar oin. 31
O sei ko’us no tur ahi oan mane ida. O sei hanaran Nia Jesus. 32
Nia sei sai ema boot; sei hanaran An Na’i aas liu hotu nia Oan. Na’i
Maromak sei haraik ba Nia nia aman David nia kadunan. 33 Nia
sei ukun Jacob nia uma-kain ba nafatin; nia ukun sei rohan laek.” 34
Maria husu ba anju: “Ne’e sei sai oin sa los, basa ha’u la hola mane?” 35
Anju hatan ba nia: “Espiritu Santu sei tun ba o no Na’i aas liu hotu nia
kbiit sei hamahan o. Tan ne’e santu nebe atu moris sei hanaran An ‘Maromak nia
Oan.’ 36 O nia feto maluk Isabel mos ko’us tiha oan
mane ida, maski ferik ona. 37 Ida nebe ema dehan la
ko’us, nia ko’us fulan neen ona; basa, ba Maromak, la iha buat ida nebe la
bele.” 38 Maria dehan: “Ne’e sa, Na’i nia atan oan
mak ne’e. Halo tuir ita liafuan ba!” Hafoin anju husik nia.
39
Iha loron hirak neba Maria hiit an lalais ba foho, ba knua ida iha Juda. 40
To’o tiha Zacarias nia uma, nia kumprimenta Isabel. 41
Wainhira Isabel rona Maria nia lia, kosok oan book an iha nia knotak ho
ksolok. Nakonu ho Espiritu Santu, 42 Isabel hahu
koalia, dehan: “Ita boot diak liu feto hot-hotu! Ita boot nia oan diak liu! 43
Be ha’u se los atu ha’u Na’i nia inan hiit an mai ha’u nia uma? 44
Basa, ita lia to’o tiha iha ha’u tilun, kosok oan book an kedas iha ha’u
knotak. 45 Rahun diak ba ida nebe fiar katak lia
nebe Na’i hateten sei sai tuir los duni.” 46 Maria
hatan:
47 ha’u neon haksolok
iha
Maromak ha’u Maksoin.
48 Basa Nia hare nia atan feto nebe folin laek.
Tebes
duni, houri ohin ba oin
Ema hotu
sei dehan ha’u rahun diak.
49 Basa Ida nebe bele buat hotu
halo
buat kmanek wa’in tebes mai ha’u.
Nia
naran santu.
50 Nia laran luak houri otas
ba sira
nebe hamtauk Nia.
51 Nia hatudu nia liman nia kbiit,
hodi
halakon ema loko an sira.
52 Nia hamonu ukun na’in sira
housi sira nia tur fatin,
hodi
foti fali ema kiik sira.
53 Nia haraik buat diak hotu ba mukit sira,
hodi
haruka riku sira
ba ho
liman mamuk.
54 Nia tau matan ba nia atan Israel
hodi
hanoin fali nia laran luak,
55 tuir lia menon nebe Nia hakotu ona
ba ita
nia bei-ala sira,
ba
Abraao no nia bei-oan sira ba nafatin.”
56 Maria hela ho Isabel besik fulan tolu, hafoin fila
fali ba nia uma.
57
Wainhira tempu to’o ona ba Isabel, nia tur ahi oan mane ida. 58
Rona tiha katak Na’i hatudu laran luak boot ba nia, nia maluk no parenti
sira haksolok ho nia. 59 Liu tiha loron ualu, sira
mai atu halo sirkunsisaun kosok oan nian. Sira hakarak hanaran nia Zacarias,
hanesan nia aman; 60 maibe nia inan dehan: “Lae,
nia naran mak Joao.” 61
Sira dehan fali ba nia: “Iha imi nia parenti sira leet la iha ema ida ho
naran ne’e.” 62 Tan ne’e, ho sinal oi-oin, sira
husu ba nia aman oin sa nia hakarak hanaran nia oan. 63 Nia
husu surat tahan ida hodi hakerek: “Nia naran Joao.” Sira hotu hakfodak. 64
Zacarias nia ibun nakloke kedas, nia nanal mamar fali, nia koalia hodi
hawelok ba Maromak. 65 Sira hotu nebe hela besik
neba tauk teb-tebes. Lia hirak ne’e hotu naklekar iha foho rai Judeia tomak. 66
Sira hotu nebe rona buat hirak ne’e rai hela iha sira nia laran hodi
dehan ba sira an rasik: “Labarik ne’e sei sai sa los?” Basa, tebes duni, Na’i
nia liman hela ho nia.
67 Tuir mai, nia aman Zacarias, nakonu ho Espiritu
Santu si’ik, dehan:
68 “Rahun diak
ba Na’i, Israel nia Maromak,
basa Nia
mai hare hodi soi nia povu.
69 Nia foti Maksoin maka’as ida mai ita
iha nia
atan David nia uma,
70 nudar Nia hakotu tiha ona
housi
nia profeta santu uluk sira ibun.
71 atu soi ita housi ita nia funubalun sira
no housi
sira hotu nebe hirus ita sira liman,
72 atu hatudu nia laran luak ba ita nia bei-ala sira
hodi
hanoin nia moruk santu:
72 katak, juramentu nebe Nia halo tiha ba ita nia aman
Abraao,
74 hodi haraik mai ita atu,
sai tiha
housi ita nia funubalun sira liman,
ita
serbi Nia ho aten berani,
75 ho moris los no santu,
iha nia futar
oin iha ita nia moris tomak.
76 O, kosok oan, ema sei hanaran o
Na’i Aas
liu hotu nia profeta,
Basa o
sei ba uluk Na’i
Atu
hadia dalan ba Na’i,
77 hodi fo hatene ba nia povu nia maksoin,
atu sira
hetan perdua ba sira nia sala.
78 Tamba ita nia Maromak laran luak teb-tebes,
mak
naroman housi leten aas sei mai visita ita,
79 atu leno sira nebe tur iha nakukun laran
no iha
mate nia ukun,
hodi
lori ita nia ain tuir dalan dame nian.”
80 Labarik sai boot, nia laran metin liu tan. Nia horik iha rai fuik maran
to’o loron nebe nia hatudu an ba Israel.
|