17
Liafuan diak ruma
1
Jesus dehan tan ba nia eskolante sira: “Esemplu aat sira sei iha duni;
maibe ema nebe fo esemplu aat sei hetan kastigu. 2 Kesi
fatuk boot dulas batar nian ida ba nia kakorok hodi soe nia ba tasi, diak liu
fali nia dada labarik kiik sira ne’e ida ba sala.”
3
“Imi rona di-diak: o nia maluk ida halo sala karik, fo hatene ba nia; nia
hakribi sala karik, perdua nia. 4 Nia sala karik
dala hitu hasouru o, no nia hateten dala hitu ‘Ha’u hakribi,’ perdua nia.”
5 Apostolu sira hateten ba Na’i: “Haboot ami
nia fiar!” 6 Na’i hatan ba sira: “Imi nia fiar boot
karik hanesan modo musan ida, imi bele dehan ba ai-hun ne’e: ‘Fokit o an housi
ne’e, ba kuda o an iha tasi laran,’ nia sei halo tuir. 7 Iha
imi leet se mak, iha atan ida nebe wainhira nia fila housi to’os sei dehan ba
nia: ‘O mai lalais tur iha meja?’ 8 Nia sei la
dehan fali: ‘O ba tein,’ ka ‘O ba hatais lalais atu serbi meja wainhira ha’u
han dau-daun; hafoin mak o sei tur han?’ 9 Ema se
los mak sei fo obrigadu ba nia atan tan atan ne’e halo tuir nia hakarak? 10
Nune’e mos imi, wainhira imi halo tiha imi nia knaar tomak, hateten: ‘Ami
atan folin laek, ami halo deit ami nia obrigasaun.”
11
Jesus liu housi Galileia no Samaria atu ba Jerusalem. 12
Wainhira nia tama dau-daun ba knua ida, ema moras lepra na’in sanulu mai
hasouru Nia. 13 Housi dook sira hasa’e lia, dehan:
“Jesus, mestre, sadia atan ami!” 14 Hare tiha sira,
Nia dehan ba sira: “Imi ba, hatudu imi an ba am’lulik sira.” La’o tuir dalan,
sira hetan isin diak. 15 Sira ida, hare katak nia
isin diak fali ona, fila fali hodi hahi Maromak ho lia maka’as; 16
nia monu ba Jesus nia ain, hakru’uk to’o rai, hodi agradese. Ema ne’e
Samaritanu ida. 17 Jesus dehan ba nia: “La’os ema
na’in sanulu mak hetan isin diak? Sira na’in sia iha nebe? 18
Ema ida la fila atu hahi Maromak, mak ema malae ne’e deit?” 19
Hafoin Nia dehan ba ema ne’e:
“Hamriik, la’o ba! O nia fiar mak soi tiha o!”
20
Fariseu sira husu ba Nia wainhira mak Maromak nia reinu sei to’o. Nia
hatan ba sira: “Maromak nia reinu la mai hodi hatudu an. 21
Ema ida la bele dehan: ‘Mak ne’e,’ eh ‘Mak neba;’ basa Maromak nia reinu
iha ona imi nia laran.”
22
Tuir mai Nia dehan ba nia eskolante sira: “Loron sei to’o wainhira imi
sei hakarak hare Oan Mane nia loron ida, no imi sei la hare. 23
Ema sei dehan ba imi: ‘Nia mak ne’e,’ eh ‘Nia mak neba.’ Imi keta ba,
keta tuir. 24 Basa nudar rai lakan nabilan housi
lalehan nia hun to’o nia rohan, nune’e mos sei mosu iha Oan Mane nia loron. 25
Maibe uluk knanain Nia sei terus boot, ema housi otas ne’e sei hakribi
Nia. 26 Nudar mosu tiha ona iha Noe nia loron,
nune’e mos sei mosu iha Oan Mane nia loron: 27 sira
han hemu, mane sira hola feto, feto sira hola mane to’o loron nebe Noe tama iha
ro laran no udan tau maka’as nebe hamout sira hotu. 28 Sei
mosu mos hanesan iha Lot nia loron: sira han hemu dau-daun, sira sosa no faan,
sira kuda no harii uma. 29 Maibe iha loron nebe Lot
sai tiha housi Sodoma, ahi no ensofre tun housi lalehan hodi oho sira hotu. 30
Nune’e mos sei mosu iha loron nebe Oan Mane sei hatudu an. 31
Iha loron neba, ema nebe iha uma nia kakuluk keta tun atu hola nia sasan
sira; nune’e mos ida nebe iha to’os keta fila fali. 32 Imi
hanoin fali Lot nia feen.”
33 “Ema nebe hakarak soi nia moris, sei lakon
moris ne’e; no ema nebe lakon nia moris, sei soi nia moris ne’e. 34
Ha’u dehan ba imi katak iha kalan neba ema na’in rua sei toba iha fatin
ida: sira sei lori ida, hodi husik ida seluk. 35 Feto
na’in rua sei tuku batar hamutuk: sira sei lori ida, hodi husik ida seluk.” 36
Sira simu, dehan: “Na’i, buat ne’e sei mosu iha los nebe?” 37
Nia hatan ba sira: “Iha fatin nebe isin mate hela, iha neba mos mak manu
makikit sira sei halibur hamutuk.”
|