MATEUS
1
Jesus Nia bei-ala sira
1
Jesus Kristu nia bei-ala sira housi David to'o Abraao mak ne'e: 2
Abraao mak Isaac nia aman; Isaac Jacob nia aman; Jacob mak Juda ho nia alin sira nia aman. 3
Juda ho Tamar hahoris Fares no Zara, Fares mak Esrao nia aman; Esrao Arao
nia aman, 4 Arao fali hahoris Aminadab; Aminadab
Naassao nia aman; Naassao Salmao nia aman. 5 Salmao
ho Racab hahoris Booz; Booz ho Rute hahoris Obed; Obed mak Jesse nia aman; 6
Jesse fali mak liurai David nia aman.
David,
ho Urias nia fen, hahoris Salomao. 7 Salomao mak
Roboao nia aman; Roboao Abias nia aman; Abias Asa nia aman. 8
Asa mak Josafa nia aman; Josafa
Jorao nia aman; Jorao Ozias nia aman. 9
Ozias mak Joatao nia aman; Joatao Acaz nia aman; Acaz Ezequias nia aman. 10
Ezequias mak Manasses nia aman; Manasses Amos nia aman; Amos Josias nia
aman. 11 Josias mak Jeconias ho nia maun alin sira
nia aman, iha tempu dadur nian iha Babilonia.
12
Liu tiha tempu dadur nian iha Babilonia, Jeconias hetan oan naran
Salatiel. Salatiel mak Zorobabel nia aman; 13 Zorobabel mak Abiude nia aman; Abiude Eliaquim nia
aman; Eliaquim Azor nia aman. 14 Azor Sadoque nia
aman; Sadoque Aquim nia aman; Aquim Eliude nia aman; 15 Eliude
Eleazar nia aman; Eleazar Mata nia aman; Mata Jacob nia aman; 16
Jacob hetan oan naran Jose, nebe kaben ho Maria. Housi Maria moris Jesus,
nebe hanaran Kristu. 17 Nune'e housi Abraao to'o
David, derasaun sanulu resin haat; housi David to'o tempu dadur nian iha
Babilonia, derasaun sanulu resin haat; no housi tempu dadur nian iha Babilonia
to'o Kristu, derasaun sanulu resin haat.
Jesus nia moris
18
Jesus Kristu moris nune'e: Jose husu nanis ona atu kaben ho Maria, Jesus
nia inan. Molok sira moris hamutuk, Maria ko’us tiha ona hodi Espiritu Santu
nia kbiit. 19 Nia laen Jose, nebe ema diak no
lakohi hamoe Maria, hakotu atu husik deit nia. 20 Nia
hanoin dau-daun buat ne'e, wainhira Na’i nia anju mosu ba nia iha mehi, dehan:
“Jose, David nia oan, keta tauk simu Maria nudar o nia kaben, basa nia ko’us
hodi Espiritu Santu nia kbiit. 21 Maria sei tur ahi
oan mane ida nebe o sei hanaran Jesus, basa Nia mak sei soi povu housi sira
sala.” 22 Ne'e hotu mosu, atu halo tuir lia nebe
Na’i hato'o housi profeta, dehan: 23 'Fetoran ida
sei ko’us no tur ahi oan mane ida, nebe ema sei hanaran Emmanuel, katak Maromak
ho ita.' 24 Hader tiha housi mehi, Jose halo tuir
buat nebe Na'i nia anju haruka hodi simu nia kaben. 25 Maski
Jose la dauk hamutuk ho nia, Maria tur
ahi oan mane ida, nebe nia hanaran Jesus.
|