3
Ema Judeu nia folin
1
Ne’e duni, ema sei hetan folin sa ida wainhira nia
ema Judeu ida? Sa ida mak sirkunsisaun nia folin? 2 Folin
boot duni iha buat hot-hotu. Uluk knanain, ba ema Judeu sira mak Maromak fo sai nia lia menon. 3
Ema Judeu sira la laran metin karik, ne’e katak sa? O hanoin katak sira
nia fiar laek sei halakon Maromak nia laran metin? 4 Lae!
Maromak sei halo tuir nia promessa, maski la iha ema los, nudar Eskritura
dehan: “Atu ema hare Ita nia laran los wainhira Ita tesi lia no ema la bele
hirus wainhira Ita tesi lia.” 5 Maibe ita nia laran
aat hatudu Maromak nia laran los nebe salva karik, ita bele hateten katak
Maromak la los wainhira Nia fo kastigu mai ita? Ha’u koalia tuir ema koalia. 6
Lae! Basaoin sa seiMaromak tesi
lia ba raiklaran? 7 Maibe tamba ha’u nia lia bosok
karik, Maromak nia lialos halo Nia simu naran boot liu tan, tan sa ha’u simu
fali kastigu nudar ema maksalak ida? 8 Tansa la
halo buat aat atu buat diak ruma bele mosu, nudar ema balun dehan katak ha’u
hanorin nune’e ? Sira koalia los!
Ema hotu sala
9
Ne’e duni, ema Judeu sira diak liu fali ema seluk,
ka? Lae! Ha’u dehan ona katak sala ukun ema hot-hotu: ema Judeu no ema gregu, 10
nudar hakerek nanis: “La iha ema los, la iha ida. 11
La iha ema ida nebe hatene lo-los; la iha ema nebe buka Maromak. 12
Ema hot-hotu la’o sala; ema hotu lakon; la iha ema ida nebe halo diak,
ema ida mos la iha!” 13 “Sira nia kakorok hanesan
rate nebe nakloke hela; sira lohi ho sira nia nanal; iha sira nia ibun mak dihi
nia venenu. 14 Sira nia ibun nakonu malisan ho lia
aat. 15 Sira nia ain lalais atu fakar ran;16
tuir dalan sira sobu rahun no halo ema terus, 17 sira
la hatene dalan dame nian, 18 sira la tauk
Maromak.”
19 Ohin
ita hatene katak buat nebe ukunfuan
dehan, nia hato’o deit ba sira nebe iha ukunfuan nia ukun, atu ibun hot-hotu
nonok no mundu tomak sei hatan ba Maromak, 20 basa
ema ida la bele sai ema los iha Na’i nia futar oin hodi deit halo tuir
ukunfuan, basa housi ukunfuan mak ema hatene katak nia halo sala.
Housi fiar iha Kristu mak ema
sai los
21
Maibe ohin, Maromak nia justisa mosu ketak housi
ukunfuan, maski ukunfuan no profeta sira fo sasin ba nia; 22
ne’e mak Maromak nia justisa
housi fiar iha Jesus Kristu ba sira nebe fiar. Ema hot-hotu hanesan! 23
Ema hot-hotu halo tiha sala no lakon ona Maromak nia gloria. 24
La selu buat ida, ema sai los housi maksoin iha Kristu Jesus, 25 nebe Maromak
tau nudar buat karan hodi nia ran, nebe
ema sei housi fiar; ne’e atu hatudu Maromak nia justisa, basa tan Maromak nia
laran luak, Nia fo perdua ba sala sira nebe ema halo tiha ona, 26 atu hatudu iha tempu ne’e katak Nia
los no nia halo los sira nebe fiar iha Jesus Kristu.
27 Ne’e
duni, tan sa gaba an? La bele! Tamba sa? Tamba hahalok? Lae! Lo-los, tan fiar
deit. 28 Basa ita hanoin katak ema ida sai los
housi fiar maski ketak housi hahalok ukunfuan nian. 29 Maromak
mak ema Judeu sira nia Maromak deit? Nia la’os ema gentiu nia Maromak mos? Los
duni, Nia gentiu sira nian mos, 30 basa Maromak
mesak ida deit no sei halo los sira nebe simu tiha sirkunsisaun tan fiar, no
sira nebe la simu sirkunsisaun tan fiar. 31 Ne’e
katak ita halakon ukunfuan nia folin tan fiar? La iha! Lo-los, ita fo folin liu
tan ba ukunfuan.
|