5
Sala foer
1
Ema dehan katak iha sala foer iha imi leet, no sala
foer nebe la hetan mos iha gentiu sira leet; mane ida nebe moris hamutuk ho nia
aman nia fen. 2 No imi gaba an hodi foti an tan.
Imi laran susar karik la’os diak liu? Imi ten ke hadook ema nebe halo hahalok
ne’e housi imi leet. 3 Iha Na’i Jesus nia naran,ha’u rasik, maski la hela ho imi iha isin maibe hamutuk ho imi iha laran,
tesi tiha lia ba ida nebe halo hahalok ne’e hanesan ha’u hela iha neba iha
isin. 4 Wainhira imi halibur an hamutuk no ha’u, ho
neon, hela hamutuk ho imi ho Na’i Jesus nia kbiit, 5 imi
sei saran ema ne’e ba diabu atu halo aat nia isin, atu nia espiritu bele hetan
maksoin iha Na’i Jesus nia loron.
6 Imi
nia gaba an ne’e la los. Imi la hatene katak fermentu uitoan deit mak halo masa
tomak sa’e? 7 Ne’e duni, soe tiha fermentu tuan,
atu imi bele sai masa foun, basa imi
paun nebe fermentu la iha. Basa ema saran tiha ona ba mate Kristu, ita nia bibi
oan Paskua nian. 8 Tan ne’e, ita sei halo festa la
ho fermentu tuan, katak fermentu laran aat no hakarak aat nian, maibe ho paun
nebe fermentu la iha, katak, paun laran los no lialos nian.
9 Ha’u
hakerek tiha ba imi iha ha’u nia surat katak imi la bele la’o hamutuk ho ema
laran foer sira, 10 hodi la koalia kona ba sira
nebe laran aat iha mundu ne’e, ka sira nebe karakten ka na’okten ka adora lulik
sira; basa nune’e karik, imi ten ke husik mundu ne’e. 11 Maibe
oras ne’e ha’u hakerek ba imi keta la’o hamutuk ho ema naran deit nebe bolu an
maun alin wainhira nia laran aat, karakten, adora lulik, konta ema nia vida,
lanuten ka na’okten; keta han hamutuk ho ema hanesan ne’e. 12
Basa tansa ha’u tesi lia ba ema seluk nebe la’os ita nian? La’os imi nia
knaar atu tesi lia ba maun alin sira? 13 Maromak
sei tesi lia ba sira nebe iha liur.
“Duni sai ema aat housi imi leet.”
|