8
Matenek deit la to’o
1
Oras ne’e, kona ba naan nebe saran ona ba lulik
sira, ita hatene katak “ita hotu hatene.” Matenek halo ita loko an, maibe domin
harii. 2 Ema hanoin karik katak nia hatene buat
ruma, nia seidauk hatene nudar nia ten ke hatene. 3 Maibe
ema hadomi Maromak karik, Maromak hatene nia.
4 Ne’e
duni, kona ba han naan nebe saran tiha ona ba lulik, ita hatene katak “la iha
lulik iha mundu,” no katak “iha Maromak mesak ida deit.” 5
Tebes duni, maski iha buat nebe ema hanaran lulik iha lalehan no iha rai;
iha duni “lulik” barak no “na’i” barak; 6 maibe mai
ita iha Maromak mesak ida deit, Aman housi nebe buat hotu mosu no tan Nia mak
ita hotu mosu; no iha Na’i ida deit, Jesus Kristu, liu housi Nia buat hotu mosu
no liu housi Nia ita hotu mosu.
Halo oin sa
7
Maibe la’os ema hotu iha matenek ida ne’e. Iha
balun nebe toman ona atu adora lulik to’o ohin, nune’e wainhira sira han naan
nebe saran tiha ona ba lulik sira, sira laran nebe kbiit laek sai foer tiha.
8 Aihan
la lori ita besik liu Maromak. Ita la han karik, ita sei la sai aat liu, ka ita
han karik, ita sei la sai diak liu. 9 Maibe hare
di-diak ba atu imi nia liberdade ne’e sei la sai fatuk sidi ida ba sira nebe
kbiit laek.10 Ema ida hare imi karik ho imi nia
matenek tur iha meja iha lulik nia uma
orasaun nia laran, ema nebe kbiit laek ona la hetan berani atu han naan nebe
saran tiha ona ba lulik sira? 11 Nune’e, housi imi
nia matenek, imi lori ema nebe kbiit laek atu la hetan maksoin, imi nia maun
alin nebe tan nia Kristu mate. 12 Wainhira imi halo
sala nune’e hasouru imi nia maun alin no hakanek sira nia laran, sira kbiit
laek ona, imi halo sala hasouru Kristu. 13 Ne’e
duni, aihan halo ha’u nia maun alin sala karik, ha’u sei la han naan liu tan,
atu ha’u la bele lori ha’u nia maun alin ba sala.
|