11
1
Imi buka halo tuir ha’u nia hahalok, nudar ha’u
halo tuir Kristu.
2 Ha’u
hahi imi basa imi hanoin ha’u iha buat hotu no imi laran metin ba lisan nudar
ha’u saran lisan sira ne’e ba imi.
Mane no feto
3
Ha’u hakarak katak imi hatene katak Kristu mak ema
ida-ida nia ulun; no laen mak nia fen nia ulun, no Maromak mak Kristu nia ulun.
4 Mane ida nebe harohan ka halo profesia hodi taka
nia ulun, hamoe nia ulun. 5 Maibe feto ida nebe
harohan ka halo profesia hodi la taka nia ulun, hamoe nia ulun basa buat ne’e
hanesan deit koi fuuk housi nia ulun. 6 Basa feto
ida la taka nia ulun karik, diak liu nia haruka tesi nia fuuk hotu ka koi nia
ulun. Maibe feto ida moe karik wainhira nia tesi ka koi nia fuuk tomak, ne’e
duni diak liu nia taka nia ulun.
7 Maibe
mane ida la bele taka nia ulun, basa nia Maromak nia ilas no gloria; maibe feto
mak mane nia gloria. 8 Basa mane la mai housi feto,
maibe feto housi mane; 9 no mos Maromak la halo
mane ba feto, maibe feto ba mane; 10 tan ne’e, feto
ten ke iha kbiit nia sinal iha nia ulun, tan anju sira. 11
Iha Na’i, feto la ketak housi mane ka mane housi feto. 12
Basa nudar feto mai housi mane, nune’e mos, mane moris housi feto; maibe
buat hotu mai housi Maromak.
13
Imi rasik hare ba: feto ida harohan ba Maromak hodi la taka nia ulun,
ne’e los ka lae? 14 Mundu rasik la hanorin katak
wainhira mane ida husik nia fuuk sai naruk, buat ne’e hamoe nia, 15
maibe feto ida husik nia fuuk sai naruk, buat ne’e gloria ba nia, basa
Maromak fo fuuk naruk ba nia atu taka nia ulun? 16 Maibe
ema ida hakarak haksesuk malu karik, ita la iha lisan hanesan ne’e, no mos
Maromak nia kreda sira.
Buat la los iha Korinto
17
Wainhira ha’u hateten lia menon ne’e, ha’u la hahi
katak imi nia halibur malu halo aat liu fali diak. 18 Uluk
knanain, ha’u rona katak wainhira imi halibur malu nudar kreda iha haketak malu
iha imi leet, no ha’u fiar uitoan buat ne’e . 19 Imi
ten ke haketak malu iha imi leet atu ema bele hatene sira nebe diak. 20
Ne’e duni, wainhira imi halibur malu iha fatin ida, la’os atu han Na’i
nia han kalan nian, 21 basa wainhira imi han, ema
ida-ida ba oin ho nia aihan rasik, no ema ida hamlaha wainhira ema seluk hemu
to’o lanu. 22 Imi la iha uma iha nebe imi bele han
no hemu? Ka imi hatudu imi nia laran aat ba Maromak nia Kreda hodi hamoe sira
nebe aihan la iha? Ha’u sei dehan sa ida ba imi? Ha’u sei hahi imi? Iha buat
ida ne’e ha’u la bele hahi imi.
Paulo simu housi Na’i
23
Basa ha’u simu housi Na’i buat nebe ha’u mos saran
ba imi, katak Na’i Jesus, iha kalan nebe ema saran Nia, kaer paun, 24
no fo tiha agradese, Nia silu nia hodi dehan: “Ne’e ha’u nia isin nebe
saran ba imi. Halo ida ne’e hodi hanoin ha’u.” 25 Nune’e
mos, kalis wainhira han kalan hotu tiha hodi dehan, “Kalis ne’e mak aliansa
foun iha Ha’u nia ran. Halo ida ne’e, wainhira imi hemu nia, hodi hanoin Ha’u.”
26 Basa wainhira imi han paun ida ne’e no hemu
kalis ida ne’e, imi haklaken Na’i nia mate to’o wainhira Nia hiit an mai.
27 Ne’e
duni, ema nebe han paun ida ne’e no hemu kalis ida ne’e ho laran la los sei
hatan ba Na’i nia isin no ran. 28 Ema ida-ida sei
buka hatene nia an, no tuir mai han paun ne’e no hemu tua ne’e. 29
Basa ema nebe han no hemu hodi la hanoin isin ne’e, han no hemu todan ba
nia an. 30 Tan ne’e mak imi barak moras no isin la
diak, no ema barak tan mate tiha ona. 31 Ita hatene
di-diak ita nia an karik, ita sei la simu todan ne’e, 32 maibe
wainhira Na’i mak tesi lia mai ita, Nia korige ita atu ita la bele hetan todan
hamutuk ho mundu.
33 Ne’e
duni, maun alin sira, wainhira imi halibur malu atu han, hein malu lai. 34
Ema ruma hamlaha karik, diak liu nia han uluk iha uma, atu imi nia
halibur malu ne’e la bele hetan todan. Ha’u sei halo los buat seluk sira
wainhira ha’u to’o iha neba.
|