6

Ohin mak tempu diak

                ¹ Hodi serbisu hamutuk, ami husu imi maka’as atu la bele simu Maromak nia grasa leet deit. ² Basa Nia dehan, “Iha tempu diak ida, Ha’u rona imi, no iha loron maksoin, Ha’u fo tulun ba imi.” Hare ba, ohin mak tempu diak ne’e; hare ba, ohin mak loron maksoin. ³ Ami la halo ema ida sidi kona ba buat ruma, atu nune’e ema ida la bele hetan buat aat hasouru ami kona ba ami nia knaar; ⁴ maibe iha buat hotu, ami hatudu ami an nudar Maromak nia emar, hodi tahan susar sira, iha terus, moris todan, ema la husik ami book an, ⁵ ema baku ami, tau ami iha dadur laran, ema lubun boot hasouru ami, iha serbisu todan, la toba iha kalan, la han; ⁶ ho laran mos, ho matenek, ho pasiensia no laran kmaus, ho espiritu nebe santu, ho domin nebe la bosok, ⁷ hodi koalia lo-los, iha Maromak nia kbiit; ho kilat laran los nian iha kuana no iha karuk, ⁸ wainhira ami simu naran boot no wainhira ema hamoe ami, wainhira ema hasara ami no mos wainhira ema hahi ami. Ema trata ami hanesan ema nebe bosok, maibe ami la bosok ida; ⁹ hanesan ema la hatene ami, maibe ema seluk simu ami; hanesan ami atu mate, maibe ami moris maka’as; hanesan ema fo kastigu, maibe ema la oho; ¹⁰ hanesan ema laran susar, maibe ami haksolok nafatin; hanesan ema kiak ida, maibe ami halo ema barak sai riku; hanesan ema nebe la iha buat ida, maibe ami iha buat hotu.

                ¹¹ Ami koalia mo-mos ba imi, Korinto oan sira: ami nia fuan nakloke teb-tebes. ¹² Ami la obriga imi; imi nia hakarak rasik mak obriga imi. ¹³ Atu selu ha’u ho buat ruma, (ha’u koalia hanesan ba ha’u nia oan sira), ha’u husu imi: loke imi an ba!

Maromak bolu imi atu sai santu

                ¹⁴ Keta kesi imi an ho sira nebe oin seluk, sira nebe fiar laek. Basa oin sa justisa no bele hamutuk lakohi halo tuir ukunfuan? Eh, oin sa naroman bele hamutuk ho nakukun? ¹⁵ Oin sa mak  Kristu bele hamutuk ho diabu? Oin sa los mak ema fiarna’in hanesan ema fiar laek? ¹⁶ Oin sa makMaromak nia templu liga malu ho lulik sira? Basa ita mak Maromak moris nia templu sira, basa Maromak dehan, “Ha’u sei horik hamutuk ho sira no book an iha sira leet, no Ha’u sei sai sira nia Maromak, no sira sei sai Ha’u nia povu.  ¹⁷ Ne’e duni, mai besik ba housi sira leet no haketak an housi sira,” Na’i dehan, “no keta kona buat nebe foer; hafoin Ha’u sei simu imi, ¹⁸ no Ha’u sei sai Aman ba imi, no imi sei sai oan mane no oan feto mai Ha’u,” Na’i kbiit na’in dehan.