11
Haklaken hodi la husu ema atu selu
1 Imi
bele deit tahan ha’u nia laran beik uitoan! Favor, tahan ha’u ba! 2
Basa ha’u iha laran moras santu kona ba imi, basa ha’u saran tiha imi ba
Kristu nudar fetoran mo-mos ida ba nia laen. 3 Maibe
ha’u tauk katak, nudar samea lohi Eva ho nia laran makerek, imi sei la hanoin
tan atu saran imi an ba Kristu ho laran mos no laran los. 4
Basa ema ruma karik mosu ba imi no haklaken Jesus nebe oin seluk housi
Ida nebe ami haklaken tiha, ka imi simu karik espiritu nebe oin seluk housi ida
nebe imi simu tiha, ka evangeliu nebe oin seluk housi ida nebe imi simu tiha
ona, imi halo tuir nia lalais deit. 5 Ha’u hanoin
katak ha’u la kiik liu “apostolu boot sira” iha buat hotu. 6
Maski ha’u la matenek atu koalia, ne’e la dehan katak ha’u kuran matenek;
iha buat hotu ami hatudu mo-mos tiha buat ne’e ba imi. 7 Ha’u
sala wainhira ha’u haraik an atu imi bele foti an, basa ha’u haklaken evangeliu
hodi la husu imi atu selu osan? 8 Ha’u book kreda
sira seluk hodi simu tulun housi sira atu ha’u bele serbi imi. 9
No wainhira ha’u iha imi leet no kuran sasan sira, ha’u la hatodan imi,
basa maun alin sira housi Masedonia fo buat nebe ha’u kuran. Nune’e ha’u la
hatodan no sei la hatodan imi iha buat hotu. 10 Hodi
Kristu nia lialos nebe ha’u iha, ema Akaia sira sei la bele halo ha’u nonok,
maibe ha’u sei foti an. 11 No tan sa? tan ha’u la hadomi
imi? Maromak hatene katak ha’u hadomi imi!
12 No
buat nebe ha’u halo, ha’u sei halo nafatin, atu halakon liafuan housi sira nebe
buka atu halo imi hare sira hanesan ha’u iha knaar nebe sira hahi an. 13
Basa ema sira ne’e apostolu bosok, serbisu na’in nebe laran makerek, hodi
hatudu an nudar Kristu nia apostolu tebes. 14 Ema
la hakfodak, basa Satanas mos hatudu an hanesan anju naroman nian ida. 15
Ne’e duni, ema la hakfodak katak nia emar sira mos hatudu an nudar ema
laran los. Ikus mai, sira sei sai hanesan sira nia hahalok.
Paulo nia hahalok sira
16 Ha’u
dehan dala ida tan: keta hanoin katak ha’u bulak; maibe imi hanoin karik
nune’e, hare ha’u hanesan bulak ida ba, atu ha’u bele foti an uitoan.
17 Buat nebe ha’u dehan dau-daun, ha’u dehan la’os tuir
Na’i, maibe hanesan ema bulak ida nebe foti an. 18 Tan
ema barak foti an tuir isin, ha’u mos sei foti an. 19 Tamba
imi simu ho ksolok ema bulak sira, imi rasik nebe matenek. 20
Tamba imi simu wainhira ema halo imi sai nia atan, ka halo imi fo han ba
nia, ka lohi imi, ka buka oin, ka basa imi nia hasan. 21 Ha’u
moe hodi dehan katak ha’u kbiit laek liu kona ba ida ne’e!
Maibe kona ba buat nebe ema ruma
berani atu foti an, ha’u koalia ona hanesan bulak ida, ha’u mos berani. 22
Sira ema Ebreu? Ha’u mos. Sira ema Israel nian? Ha’u mos. Sira Abraao nia
bei-oan? Ha’u mos. 23 Sira Kristu nia emar? Ha’u
diak liu sira, ha’u koalia duni hanesan ema bulak ida: ho hahalok boot liu tan,
ha’u hela iha dadur laran liu tan, ema baku ha’u dala la bele sura, ha’u besik
atu mate dala barak liu tan. 24 Ba dala lima iha
ema Judeu sira nia liman, ema baku ha’u dala haat nulu kuran ida. 25
Ba dala tolu ema baku ha’u ho fafulu; dala ida ema tuda ha’u; ba dala
tolu ro nebe ha’u sa’e baku rahun iha tasi ibun; ha’u iha tasi laran kalan ida
loron ida; 26 dala barakha’u la’o rai,
ha’u hetan perigu iha mota laran; perigu housi na’okten sira, perigu housi ha’u
nia povu rasik, perigu housi ema gentiu sira, perigu iha sidade laran, perigu
iha ai-laran, perigu iha tasi laran, perigu housi maun alin bosok ten sira; 27
iha serbisu todan no terus laran, iha kalan barak nebe ha’u la bele toba,
iha hamlaha no hamrook, iha jejum dala barak, iha rai malirin no rai manas. 28
No liu fali buat hirak ne’e mak ha’u nia laran taridu hodi hanoin kreda
sira hotu. 29 Se mak kbiit laek, no ha’u la kbiit
laek? Se mak atu la’o ba sala, no ha’u la laran nakali?
30 Ha’u
ten ke foti an karik, ha’u sei foti an iha buat sira nebe hatudu katak ha’u kbiit
laek. 31 Maromak no Na’i Jesus Kristu nia Aman, Nia
nebe diak liu nafatin, hatene katak ha’u la bosok. 32 Iha
Damasko, gubernador iha Liurai Aretas nia ukun tau matan di-diak ba sidade
Damasko nian atu kaer ha’u, 33 maibe ema hatun ha’u
iha raga laran housi janela ida iha muru no nune’e ha’u halai housi nia liman.
|