|
13
Kristu iha imi laran
1 Oras
ne’e, ba dala tolu, ha’u ba hasouru imi. “Tan lia sasin ema na’in rua eh tolu
nian mak bele hametin lia todan ruma.” 2 Ha’u fo
hatene tiha ba sira nebe halo sala uluk no sira seluk hotu, no ha’u fo hatene
ba sira oras ne’e wainhira ha’u seidauk to’o ba imi, hanesan ha’u fo hatene
uluk wainhira ha’u iha imi nia leet wainhira ha’u hare imi ba dala rua, katak
wainhira ha’u mai dala ida tan, ha’u sei la hanoin ema, basa imi buka buat ruma
nebe hatudu katak Kristu mak koalia housi ha’u. Nia la kbiit laek iha imi nia
oin, maibe kbiit wa’in iha imi laran. 4 Basa tebes
duni, ema hedi Nia ba krus hanesan ema kbiit laek, maibe Nia moris tan Maromak
nia kbiit. Nune’e mos ami kbiit laek iha Nia, maibe ho imi, ami sei moris
hamutuk ho Nia ho Maromak nia kbiit.
5 Hare
di-diak imi an atu hare imi moris iha fiar ka lae. Koko imi an. Imi la
hatene katak Jesus Kristu iha imi
laran? Ka, tebes duni, imi lakon
wainhira Nia koko imi. 6 Ha’u hein imi sei hare
katak ami la lakon. 7 Maibe ami harohan ba Maromak
atu imi la bele halo buat aat, la’os katak ami manan ona, maibe atu imi bele
halo buat nebe los, maski ema hanoin katak ami lakon. 8 Basa
ami la bele halo buat ruma hasouru lialos, maibe ami bele moris deit ba lialos.
9 Ami haksolok wainhira ami kbiit laek no imi
maka’as. Buat nebe ami husu wainhira ami harohan mak atu imi bele sai diak liu
tan.
10 Ha’u
hakerek surat ne’e wainhira ha’u seidauk to’o ba imi, atu wainhira ha’u iha imi
leet ona, ha’u la presisa atu sai laran tos hodi kbiit nebe Na’i haraik tiha
mai ha’u atu harii imi, la’os atu sobu rahun imi.
11
Ikus mai, maun alin sira, haksolok ba. Halo diak
liu tan imi nia moris, fo aten berani ba malu, halo imi nia lia tuir malu,
moris iha dame laran ba, no Maromak domin no dame nian sei hela ho imi.
Kumprimenta malu hodi rei malu ho laran santu.
12 Ema santu sira hotu kumprimenta imi.
13 Na’i
Jesus Kristu nia grasa, Maromak nia domin no laran ida deit Espiritu Santu nian
hela ho imi.
|