4

            ¹ Uma na’in sira, trata di-diak imi nia atan sira hodi hatene katak imi mos iha Na’i iha lalehan.

Moris orasaun nian

² Laran metin ba imi nia orasaun, neon na’in iha nia hodi fo agradese; ³ no resa mos ba ami atu Maromak loke odamatan liafuan nian, atu ami bele haklaken Kristu nia misteriu. Tan misteriu ne’e mak ha’u iha dadur laran; ⁴ atu ha’u bele haklaken nia di-diak nudar ha’u  ten ke halo. ⁵ Imi moris lo-los ho sira nebe housi liur, hodi usa ba diak tempu no fatin nebe mosu. ⁶ Koalia ho laran diak ba, hodi tau masin uitoan, atu imi bele hatene oin sa imi sei hatan ba ema ida-ida.                                                                                                                                         

Liafuan kona ba Paulo no liafuan ikus nian

                   ⁷ Tiquico sei fo hatene ba imi kona ba ha’u. Nia mak alin ida nebe ha’u hadomi teb-tebes, no mos maluk ida nebe tulun ha’u maka’as iha serbisu ba Na’i. ⁸ Ha’u haruka nia ba imi ho neon ida ne’e: atu hato’o ba imi liafuan ruma kona ba ami iha ne’e, no atu halo imi fo aten berani ba imi. ⁹ Hamutuk ho nia, ha’u haruka mos Onesimo, alin doben no diak. Nia mak imi nia maluk ida. Sira na’in rua sei fo hatene ba imi buat hotu nebe mosu mai ami iha ne’e.

                  ¹⁰ Aristarco nebe hela hamutuk ho ha’u iha dadur laran haruka nia kumprimentu; nune’e mos Marcos, Bernabe nia primu--ha’u haruka ona ba imi liafuan ruma kona ba nia; wainhira nia mosu ba imi, simu nia ho laran, ¹¹ no Jesus, nebe ema hanaran Justo, haruka nia kumprimentu. Housi sira hotu nebe mai housi sirkunsisaun, sira ne’e deit mak serbisu ho ha’u ba Maromak nia reinu. Sira fo ksolok mai ha’u. ¹² Epafras, imi nia maluk, haruka nia kumprimentu; Jesus Kristu nia atan ne’e la husik halo funu tamba imi, hodi harohan atu imi mos sei la namlele, maibe metin no los nafatin ba Maromak nia hakarak. ¹³ Ha’u bele fo sasin katak nia serbisu maka’as ba imi, no mos ba sira nebe iha Laodiseia no Hieropoli. ¹⁴ Lucas, doutor doben, no Demas kumprimenta imi. ¹⁵ Fo ha’u nia kumprimentu ba maun alin sira iha Laodiseia no ba Ninfa no ba Kreda nebe halibur an iha nia uma. ¹⁶ Wainhira imi lee tiha ona surat ida ne’e, haruka nia ba ema Kreda Laodiseia nian atu sira bele lee; no imi mos lee surat nebe imi sei simu housi Laodiseia. ¹⁷ Dehan ba Arquipo: “Kaer di-diak knaar nebe o simu iha Na’i, atu o bele hare oin sa o bele hala’o nia di-diak.”

                  ¹⁸ Ha’u hakerek kumprimentu ne’e ho ha’u nia liman rasik. Paulo. Hanoin ha’u nia korente ba. Maromak nia grasa hela ho imi.