2
Keta husik ema lohi imi
1 Kona
ba ita Na’i Jesus Kristu nia hiit An mai, maun alin sira, no ita nia halibur
malu ho Nia, 2 imi keta laran taridu lalais eh tauk
tamba “espiritu” ka boatos ruma ka surat ruma nebe, ema dehan, housi ami, katak
Na’i nia loron to’o ona mai. 3 Keta husik ema bosok
imi nune’e, basa loron ne’e sei la mosu molok funu boot mai uluk no funubalun
boot, ida nebe nia destinu mak atu lakon, mosu tiha mai. 4
Nia mak funubalun nebe dehan katak nia boot liu fali buat nebe ema bolu
'maromak', boot liu fali buat hotu nebe ema adora; tan ne’e nia hatur nia an
iha Maromak nia santuariu hodi dehan katak Nia Maromak. 5
Tebes, imi sei hanoin hetan katak ha’u hateten ona ba imi kona ba ida
ne’e wainhira ha’u sei hela ho imi. 6 No imi hatene
mos sa ida mak tahan nia atu nia la bele mosu molok nia tempu.
7 Misteriu ukunfuan laek nian serbisu dau-daun ona, maibe ida nebe tahan
nia, tahan nia ba tempu ohin ne’e deit to’o ema hasai tiha nia. 8
Iha tempu neba, ida nebe ukunfuan la iha
mosu. Na’i oho nia hodi hu’u iis housi nia ibun no sei halo nia kbiit
laek wainhira Nia hiit An mai ho kmanek
wa’in.
9 Funubalun
boot ne’e sei mosu mai tan Satanas nia hahalok ho kbiit tomak, ho sinal no
hahalok oi-oin, 10 no ho buat aat hotu nebe bele
lohi sira nebe atu lakon duni tan sira lakohi hadomi lialos hodi hetan maksoin.
11 Maromak halo sira hanoin maka’as atu sira fiar
lia bosok 12 atu sira hotu nebe lakohi fiar lialos
maibe hili fali buat aat hetan kastigu.
Laran metin iha fiar
13 Maibe
ita ten ke fo agradese nafatin ba Maromak tamba imi, maun alin sira nebe Na’i
hadomi, basa Maromak fihir imi houri uluk kedas atu hetan maksoin housi
Espiritu nebe halo imi sai santu no housi fiar iha lialos. 14
Housi evangeliu nebe ami lori, Nia bolu imi ba ida ne’e atu imi bele simu
ita Na’i Jesus Kristu nia gloria. 15 Ne’e duni,
laran metin ba, maun alin sira, no kaer metin lisan nebe, ho liafuan housi ami
nia ibun eh housi surat, ami hanorin tiha ba imi.
16
Ita Na’i Jesus Kristu rasik, no Maromak, ita Aman, nebe
hadomi ita no haraik tiha mai ita ksolok rohan laek no esperansa lo-los housi
grasa, 17 fo ksolok ba imi nia fuan no hametin imi
iha buat hotu nebe imi halo eh dehan.
|