4
Hakmatek iha loron Sabadu
1
Ne’e duni, promessa atu tama iha Na’i nia hakmatek sei hela nafatin,
maibe ita ten ke matan moris atu imi ida la bele lakon. 2
Basa ita simu duni liafuan diak hanesan sira simu, maibe liafuan nebe
sira rona la lori diak ba sira, basa sira nebe rona nia la simu nia ho fiar. 3
Ita nebe fiar ona tama iha hakmatek ne’e, nudar Na’i dehan: “Nudar Ha’u
jura ho laran nakali, 'Sira sei la tama iha Ha’u nia hakmatek,’” maibe Na’i nia
hahalok sira hotu tiha wainhira mundu ne’e hahu. 4 Na’i
koalia iha fatin ruma kona ba loron hitu nune’e, “No Maromak hakmatek hela iha
loron hitu housi nia serbisu hotu;” 5 no dala ida
tan, iha fatin nebe ita temi tiha, “Sira sei la tama iha Ha’u nia hakmatek.” 6
Ne’e duni, tan hateten lo-los katak balun sei tama iha Na’i nia hakmatek,
no sira nebe simu tiha liafuan diak la tama tan sira lakohi halo tuir, 7
Na’i marka loron ida tan, “Ohin ne’e,” wainhira tempu kleur liu tiha Nia
koalia housi David, hanesan ita dehan ona: “Ohin imi rona karik Nia lia, keta halo tos imi nia fuan.’” 8
Josue fo tiha hakmatek ba sira karik, Maromak sei la koalia tan kona ba
loron seluk. 9 Ne’e duni, hakmatek iha loron Sabadu
hela nafatin ba Maromak nia povu. 10 No ema nebe
tama iha Maromak nia hakmatek, hakmatek mos housi nia serbisu sira nudar
Maromak halo. 11 Ne’e duni, ita sei haka’as an atu
tama iha hakmatek ne’e, atu ita ida la bele monu hanesan sira nebe lakohi halo
tuir nia esemplu.
12
Tebes duni, Maromak nia liafuan moris no book maka’as, kroat liu fali
surik ida ho kroat rua, nebe bele tesi ketak klamar no espiritu, ruin no bokur,
no bele hatene lo-los buat nebe ema hanoin no hakarak iha nia fuan. 13
La iha buat ida nebe subar housi Nia; buat hotu bele hare no nakloke deit
ba nia matan. Ba Nia ita sei hatan kona ba buat hotu.
Jesus,
am’lulik boot nebe laran diak
14
Ne’e duni, tan ita iha am’lulik boot nebe liu tiha housi lalehan, Jesus,
Maromak nia Oan Mane, ita haka’as an atu laran metin ba ita nia fiar. 15
Basa ita la iha am’lulik boot nebe la hatene hanoin ita nia kbiit laek.
Maibe Nia rasik hetan mos babeur iha buat hotu, maibe la sala. 16
Ne’e duni, ita hakbesik ho laran metin ba kadunan grasa nian atu simu
laran luak no hetan grasa no tulun wainhira ita presisa .
|