3
Ita nia
nanal
1
Maun alin sira, keta imi barak sai mestre, basa imi
hatene katak Maromak sei tesi lia ho laran tos liu mai ita nebe hanorin. 2
Ita hotu halo sala barak; no ema ida la halo sala karik ho nia liafuan,
ema ne’e ema los duni, hodi hatene ukun nia isin tomak hotu. 3
Ita tau besi karik iha kuda nia ibun atu sira halo tuir ita nia haruka,
nune’e ita bele ukun sira nia isin tomak. 4 Hare
mos ro sira: maski sira boot liu no anin maka’as book sira, ro na’in bele ukun
sira ba fatin nebe nia hakarak ho ai kabelak kiik. 5 Ita
nia nanal mak ita isin nia baluk ida, maibe nia bele loko an kona ba buat boot
liu. Ahi kiik ida bele han ai-laran boot hira! 6 Nanal
mak ahi ida. Nia hanesan mundu aat ida nebe hela iha ita nia isin, hodi hafo’er
nia hotu. Nia sunu ita an tomak ho ahi infernu nian. 7 Ema
bele hamaus no hamaus tiha balada sira, manu sira, ular no ikan sira, 8
maibe ema ida seidauk hamaus nia nanal. Nanal ne’e aat no susar atu ukun,
nakonu ho venenu. 9 Ho nanal, ita hahi ita Na’i no
Aman, no ho nanal mos ita hateten aat ema nebe Maromak nia ilas. 10
Housi ibun ida deit bensa no lia foer suli sai. Buat ida ne’e la bele,
maun alin sira! 11 Be matan ida fo hamutuk be mos
no mer ka? 12 Ai-figueira ida, maun alin sira, fo
aseitunas, eh uvas hun ida fo figueira? Nune’e mos, be masin la bele fo be
midar.
Matenek
housi lalehan
13
Iha imi leet, se mak matenek no hatene? Ho nia
moris diak, halo nia hatudu nia hahalok ho laran kmaus matenek nian. 14
Maibe imi laran moras ba malu karik no hakarak buat boot sira iha imi nia
laran, keta gaba an hodi bosok. 15 Matenek hanesan
ne’e la mai housi lalehan; matenek ne’e mundu ne’e nian, isin nian, diabu nian.
16 Basa wainhira ema hakarak buat boot ho laran
moras no hanoin deit nia an, susar boot no hahalok aat sira sei mosu mai. 17
Maibe matenek housi lalehan, uluk knanain, mak mos, hadame malu, laran
kmaus, hanoin tuir buat nebe los, laran luak no fo fuan diak barak, koalia
lo-los no la halo ema bilan. 18 Sira nebe buka dame
kari ai-hun nebe sei fo fuan justisa nian.
|