I JOAO

1

Liafuan moris nian

                ¹ Buat nebe houri uluk kedas ami rona, no ami hare ho ami nia matan rasik; ami hare nia no ami nia liman kona nia, kona ba liafuan moris nian, ² moris ne’e mosu duni, no ami hare nia hodi fo sasin no haklaken ba imi moris rohan laek nebe horik ho Aman no hatudu an mai ami-- ³ Buat nebe ami hare no ami rona, ami haklaken mos ba imi, atu imi bele hela ho ami iha domin nebe ami iha ho Aman no ho nia Oan Jesus Kristu. ⁴ Ami hakerek buat hirak ne’e atu ami nia ksolok bele sai lo-los.

Maromak mak naroman

                ⁵ Lia menon nebe ami rona housi Nia, no haklaken ba imi mak ne’e: Maromak mak naroman, la iha nakukun iha Nia. ⁶ Ne’e duni, ita dehan karik katak ita iha domin iha nia, maibe ita hela iha nakukun laran, ita bosok no ita la moris tuir lialos. ⁷ Maibe ita moris karik iha naroman, nudar Nia iha naroman, ne’e katak ita iha domin ho maluk sira no, Jesus, nia Oan, nia ran hamos ita housi sala.

                ⁸ Ita dehan karik katak ita sala la iha, ita lohi ita an rasik; la iha lialos iha ita. ⁹ Maibe ita simu an karik nudar ema maksalak iha Maromak futar oin, Nia sei halo tuir nia promessa hodi halo buat nebe los; Nia sei kasu ita nia sala no hamos ita nia hahalok aat hotu. ¹⁰ Ita dehan karik katak ita la sala ida, ita halo Maromak sai bosokten, no nia liafuan la hela iha ita.