III JOAO
1
Introdusaun
1 Housi
katuas, ba doben Gaio, nebe ha’u hadomi iha lialos: 2 Ha’u
nia doben, ha’u hein katak o la’o ba oin iha buat hotu no o hetan isin diak, nudar
o nia klamar la’o ba oin. 3 Ha’u haksolok tebes
tamba wainhira maun alin sira balun mai; sira fo sasin mai ha’u kona ba lialos
o nia moris nian, katak, oin sa o la’o iha lialos. 4 Mai
ha’u la iha ksolok boot liu ida ne’e katak ha’u rona kona ba ha’u nia oan sira
nebe la’o tuir lialos.
Katuas nia hahalok diak
5 Ha’u
nia doben, o hatudu o nia laran metin ho buat nebe o halo ba maun alin sira no
liu-liu ba sira nebe la’o rai; 6 sira fo sasin mai
ha’u kona ba o nia domin iha kreda nia oin. Hare didiak ba kona ba buat nebe
sira kuran iha dalan, iha Maromak futar oin; 7 basa
iha Nia naran duni mak sira la’o, la hodi simu buat ida housi gentiu sira. 8
Tan ne’e, ita sei fo tulun ba sira atu ita bele halo parte iha sira nia
serbisu atu haklaken lialos.
Diotrefes no Demetrio
9 Ha’u
hakerek ona liafuan ruma ba Kreda, maibe Diotrefes, nebe buka deit nia an, la
rona ha’u. 10 Tan ne’e, wainhira ha’u mai, ha’u sei
hatudu buat hotu nebe nia halo, katak hateten lia aat oi-oin kona ba ha’u.
La’os ida ne’e deit; nia mos la simu ita nia maun alin sira, no la husik sira
nebe hakarak simu sira hodi duni sai sira housi kreda.
11 Ha’u
nia doben, keta halo tuir buat nebe aat, maibe halo tuir buat nebe diak. Ema
nebe halo diak mai housi Maromak; ema nebe halo aat seidauk hare Maromak.
12 Kona
ba Demetrio, ema hotu fo sasin ba nia no mos lialos rasik fo sasin ba nia. Ami
mos fo sasin ba nia no o hatene katak ami nia sasin los.
13 Ha’u
sei iha buat barak atu hakerek ba o,
maibe ha’u lakohi hakerek ho kanete no tinta. 14 Ha’u
hein atu hare o lalais, no ita sei koalia oin ba oin.
Liafuan ikus
13 Ha’u
iha buat barak tan atu hakerek, maibe ha’u lakohi halo ho surat tahan no tinta.
14 Maibe ha’u hein katak la kleur ha’u bele hare o
no ita sei koalia oin ba oin.
15
Dame hela ho o. Belun sira kumprimenta o. O mos kumprimenta belun sira
ida-ida.
|