3
Sardes
1 ”Hakerek ba anju
kreda iha Sardes nian hodi dehan, ‘Ne’e mak lia menon housi Ida be kaer Maromak
nia espiritu na’in hitu no fitun hitu: Ha’u hatene o nia hahalok sira: ema hanoin
katak o moris maibe lo-los o mate ona. 2 Hader tiha
ba; no hamoris fali buat uitoan nebe sei hela, nebe atu mate ona. Ha’u la hare
los o nia hahalok sira iha Maromak futar oin. Hanoin ba buat nebe o simu tiha
no rona. Kaer metin nia ba, hodi hakribi o nia sala. O la hader karik, Ha’u sei
mai hanesan na’okten ida, hodi la fo hatene iha sa oras o sei hein Ha’u. 4
Maibe sei iha ema balun iha Sardes nebe la husik sira nia hatais sai
foer, no sira ne’e sei la’o hamutuk ho Ha’u ho hatais mutin. Basa sira soi nia.
5 Ema nebe manan sei hatais nune’e ho unuk mutin;
no Ha’u sei la kasu nia naran housi livru moris nian; maibe Ha’u sei sasin ba
sira nia naran iha ha’u Aman no nia anju sira nia oin. 6 Se
mak iha tilun, rona ba buat nebe Espiritu dehan ba kreda sira.’”
Filadelfia
7
”Hakerek
ba anju kreda Filadelfia nian: ‘Ne’e mak lia menon housi Ida be santu no laran
los nebe kaer David nia siabe. Wainhira Nia loke, ema ida la bele taka, no
wainhira Nia taka, ema ida la bele loke: 8 Ha’u
hatene o nia hahalok sira. Ohin ha’u loke iha o nia oin odamatan ida nebe ema
ida la bele taka, no Ha’u hatene katak maski o la dun maka’as, o halo tuir Ha’u
nia liafuan no la nega Ha’u nia naran. 9 Ohin ha’u
sei halo sira housi Satanas nia sinagoga sira, sira nebe hanaran an Judeu maibe
bosok, basa sira la’os Judeu; Ha’u sei halo sira mai hodi monu iha o nia ain no
halo sira simu katak o mak ida nebe Ha’u hadomi. 10 Tambao halo tuir Ha’u nia liafuan hodi tahan terus sira ho pasiensia, Ha’u sei
bali o housi tempu babeur nian nebe sei mosu ba raiklaran tomak, atu koko povu
hotu raiklaran ne’e nian. 11 Ha’u sei mai lalais.
Laran metin ba kona ba buat nebe o iha ona, atu ema la bele hadau o nia koroa. 12
Ida nebe manan, Ha’u sei halo nia sai airim iha Ha’u nia Maromak nia
santuariu; no nia sei hela iha neba ba nafatin; Ha’u sei hakerek iha nia Ha’u
nia Maromak nia naran no sidade Ha’u nia Maromak nian nia naran, katak
Jerusalem foun nebe tun mai housi Ha’u nia Maromak iha lalehan, no mos Ha’u nia
naran foun rasik. 13 Se mak iha tilun, rona ba buat
nebe Espiritu dehan ba kreda sira.’”
Laodiseia
14 ”Hakerek ba anju kreda
Laodiseia nian, ‘Ne’e mak lia menon Amen nian, Ida be fo sasin ho laran metin,
Maromak nia kriatura sira nia Hun lo-los. 15 Ha’u
hatene o nia hahalok sira: o la manas no la malirin. Ha’u hakarak katak o manas ka malirin, 16
maibe tamba o la manas ka la malirin maibe morna deit, Ha’u sei muta o
housi Ha’u nia ibun. 17 O dehan, ‘Ha’u riku, ha’u
halot tiha sasan barak no la kuran buat ida,’ hodi la hatene katak o kiak,
kasihan liu, matan delek no isin tanan. 18 Ha’u
dehan maka’as ba o, sosa housi Ha’u osan mean nebe koko tiha ona iha ahi laran
atu o sai riku lo-los, no sosa mos unuk mutin hodi hatais no taka o nia isin
tanan atu o la bele moe; sosa mos aimoruk ba o nia matan atu o bele hare. 19
Ida nebe Ha’u hadomi, Ha’u si’ak no disiplina. Ne’e duni, hakribi teb-tebes o nia sala ba no laran badinas ba. 20
Hare ba, Ha’u hamriik iha o nia odamatan oin hodi tuku. Imi ida karik
rona Ha’u nia lia no loke odamatan, Ha’u sei tama hodi han hamutuk ho nia, no
nia ho Ha’u. 21 Ida nebe manan, Ha’u halo nia tur
hamutuk ho Ha’u iha Ha’u nia kadunan, nudar Ha’u mos manan no tur iha Ha’u Aman
nia kadunan. 22 Se mak iha tilun, rona ba buat nebe
Espiritu dehan ba kreda sira.’”
|