19
Knananuk
manan nian iha lalehan
1 Ne’e hotu tiha, ha’u
rona lia ida hanesan housi ema lubun boot iha lalehan; sira hananu maka’as,
“Aleluia, maksoin, gloria no ukun ba ita nia Maromak! 2 Nia
los no diak wainhira Nia tesi lia; Nia tesi lia hasouru feto aat boot nebe halo
aat raiklaran ho nia sala foer; Nia halo ona vingansa kona ba atan sira nebe
feto aat ne’e oho tiha.” 3 Sira hananu maka’as dala
ida tan, “Aleluia! Suar housi feto ne’e
nia sei sa’e nafatin ba nafatin.” 4 Tuir mai,
katuas rua nulu resin haat no balada haat tuku tur ba rai hodi adora Maromak
nebe tur iha kadunan; sira dehan, “Amen, aleluia.” 5 Hafoin
housi kadunan, lia ida hakilar dehan: “Hahi ba ita nia Maromak, imi Na’i nia
atan sira, no sira hotu, boot eh kiik nebe hamtauk Nia.” 6
Ha’u rona lia housi ema lubun boot hanesan tasi boot nia tarutu eh rai
tarutu nian, hodi hatan, “Aleluia! Na’i, ita nia Maromak kbiit wa’in ukun
dau-daun. 7 Ita haksolok ba no laran kmaan hodi fo
gloria ba Maromak, basa ohin mak Bibi Oan nia festa kasamentu nian. 8
Nia noiva iha ne’e ona, nia hatais ho hena lahan furak, nabilan no
santu,” basa hena lahan furak mak santu sira hotu nia hahalok diak.”
9
Anju
dehan, “Hakerek ida ne’e: Rahun diak ba sira nebe simu konvite ba Bibi Oan nia
festa kasamentu nian,” no nia dehan tan, “Sira ne’e mak lia menon los housi
Maromak.” 10 Tuir mai, ha’u hakneak iha nia oin hodi
adora nia, maibe nia dehan mai ha’u, “Keta halo nune’e: ha’u maluk atan ida
deit hamutuk ho o no o nia maun alin sira nebe fo sasin kona ba Jesus. O sei
adora Maromak.” Sasin nebe Jesus fo mak espiritu profesia nian.
11 Hafoin ha’u hare
lalehan nakloke, no kuda ida mosu mai; kuda na’in nebe sa’e nia nia naran mak
Laran Metin no Los; ho justisa mak nia tesi lia no halo funu. 12
Nia matan hanesan ahi lakan; nia ulun iha koroa ho fatuk murak sira;
naran nebe hakerek iha nia, nia mesak deit mak hatene. nia hatais ho unuk
nebe hoban iha ran. 13
Ema hanaran nia “Maromak futar Lia” 14 Soldadu
sira housi lalehan tuir nia. Sira hatais hena mutin nabilan no sa’e kuda mutin.
15 Housi nia ibun, surik kroat ida mosu atu oho
gentiu sira; tan nia mak atu ukun sira ho oe besi nian, no atu halo tua Maromak
kbiit wa’in nia laran nakali nian. 16 Iha nia manta
no iha nia hitin, hakerek tiha naran ida: Liurai liurai sira nian no Na’i na’i
sira nian.
17 Ha’u hare anju ida
hamriik iha loron; ho lia maka’as, nia hakilar ba manu sira hotu nebe semu aas
liu iha lalehan, “Mai iha ne’e. Mai halibur an hamutuk iha festa boot nebe
Maromak halo dau-daun. 18 Imi sei han liurai sira
nia naan, komandante sira no na’i ulun sira hotu nia naan, no mos kuda sira nia
naan no sira nebe sa’e sira nia naan no ema oi-oin, atan no la atan, kiik eh
boot nia naan.” 19 Tuir mai, ha’u hare balada boot,
hamutuk ho liurai sira hotu raiklaran nian no sira nia soldadu sira, halibur
hamutuk atu halo funu hasouru kuda na’in ho nia soldadu sira. 20
Maibe sira ne’e kaer tiha balada hamutuk ho profeta bosok ida nebe halo
milagre oi-oin tan balada nia hakarak, no housi milagre sira ne’e, lohi sira
hotu nebe simu sinal balada nian hodi adora nia estatua. Ema soe sira na’in rua
ne’e iha tasi nebe lakan ho ahi ensofre nian. 21 Sira
seluk mate hotu tan kuda na’in nia surik, nebe sai housi nia ibun, no manu sira
hotu han bosu ho sira nia naan.
|