18
Se mak boot liu
1 Iha oras neba, eskolante sira hakbesik ba
Jesus hodi husu ba Nia: “Se mak boot liu iha reinu lalehan?” 2
Nia bolu labarik oan ida, tau nia iha sira klaran 3
hodi dehan ba sira: “Ha’u dehan lialos ba imi: imi la sai karik hanesan
labarik oan sira, imi sei la tama iha reinu lalehan. 4 Ne’e
duni, ema nebe haraik An hodi halo An hanesan kiik oan ne’e, nia mak boot liu iha reinu lalehan. 5
Ema nebe simu kiik oan ida hanesan ne’e tan ha’u nia naran, nia simu
ha’u. 6 Maibe ema nebe dada ba aat kiik oan sira
ne’e ida nebe fiar ha’u, diak liu tara fatuk dulas batar nian iha nia kakorok
hodi soe nia ba tasi laran. 7 Susar boot ba mundu
tamba aat sira! Hanorin aat sira ne’e
sei iha duni, maibe susar boot tebes ba ema nebe hanorin aat!”
8“
O nia liman ka ain dada karik o ba sala, tesi nia hodi soe tiha! O tama
iha moris kudeik diak liu fali o monu ho liman rua ka ain rua ba ahi nebe la
mohu. 9 O nia matan dada karik o ba sala, fokit nia
hodi soe tiha! O tama ba moris ho matan ida deit, diak liu fali o monu ba
infernu ho matan rua.”
10“
Imi keta hewai kiik oan sira ne’e ida, basa Ha’u dehan ba imi katak sira
nia Anju sira fihir nafatin ha’u Aman lalehan nia futar oin. 11
Basa Oan Mane mai atu soi buat nebe lakon.”
12 “Imi hanoin oin
sa? Ema ida iha karik bibi atus ida, sira ne’e ida lakon tiha, nia sei la husik
sira na’in sanulu resin sia iha foho hodi buka ida nebe lakon? 13
Ha’u dehan lialos ba imi katak hetan tiha bibi ne’e, nia sei haksolok ho
ida ne’e liu fali ho sira na’in sanulu resin sia nebe la lakon. 14
Nune’e imi nia Aman iha lalehan lakohi atu kiik oan sira ne’e ida lakon.”
15“
O nia maun
alin sala karik hasouru o, ba koalia ho nia mesa-mesak hodi hatudu nia sala.
Nia rona o karik, o manan ona o nia maun alin ne’e. 16 Nia
la rona o karik, ba lori tan ema ida ka rua atu lia hotu sai los hodi sasin rua
ka tolu nia liafuan. 17 Nia lakohi rona karik ema
sira ne’e, ba fo hatene ba Kreda. Maibe nia lakohi rona Kreda rasik, hare nia
nudar ema gentiu no ema publikanu ida. 18 Ha’u
dehan lialos ba imi: Buat hotu nebe imi futu iha rai sei futu metin iha
lalehan; buat hotu nebe imi kore iha rai sei kore mos iha lalehan.”
19 ‘ Ha’u dehan tan
ba imi: “Imi na’in rua lia tuir malu karik iha rai atu husu naran buat ida,
Ha’u Aman nebe iha lalehan sei fo duni ba imi. 20 Basa
iha fatin nebe ema na’in rua ka tolu halibur hamutuk hodi Ha’u nia naran, Ha’u
mos iha sira nia leet.”
21 Tuir mai, Pedro
hakbesik ba Nia hodi dehan: “Na’i, ha’u nia maun alin sira sala karik hasouru
ha’u, ha’u sei perdua nia dala hira? To’o dala hitu?” 22 Jesus
hatan: “Ha’u dehan ba o la’os dala hitu, maibe hitu nulu dala hitu.”
23 “Tan ne’e, reinu lalehan nian hanesan liurai
ida nebe hakarak sisi tusan ba nia atan sira. 24 Wainhira
nia hahu sisi, sira lori mai ema ida nebe iha tusan osan rihun sanulu. 25
Tan nia la iha buat ida hodi selu, liurai haruka fa’an tiha nia ho nia
feen, nia oan sira ho nia rikusoi sira hotu atu selu nia tusan. 26
Atan ne’e monu ain ba nia hodi dehan: ‘Haraik loron ruma mai ha’u, ha’u
sei selu hotu.’ 27 Tan hanoin nia, atan ne’e nia
Na’i husik nia ba hodi kasu nia tusan. 28 Wainhira
atan ne’e sai housi neba, nia hetan nia maluk ida nebe debe nia osan atus ida.
Kaer tiha maluk ne’e, nia buti metin nia kakorok, dehan: ‘Selu o nia tusan ba!’
29 Nia maluk monu ain ba nia hodi harohan: ‘Haraik
loron ruma mai ha’u, ha’u sei selu o!’ 30 Maibe nia
lakohi hodi haruka maluk ne’e ba dadur laran to’o nia selu nia tusan hotu. 31
Hare tiha buat ne’e, nia maluk sira ho neon susar ba haktuir ba Na’i. 32
Tuir mai, Na’i haruka bolu nia hodi dehan ba nia: ‘Atan aat, ha’u perdua
o nia tusan tomak tan o harohan mai ha’u; 33 Nusa
mak o la hanoin o nia maluk hanesan ha’u hanoin o?” 34 Hafoin,
ho hirus, Na’i fo nia ba dadur na’in sira to’o selu nia tusan hotu. 35
Imi ida-ida la perdua ho laran imi nia maun alin karik, Ha’u Aman iha
lalehan sei halo mos nune’e ba imi.”
|