²² Rona tiha lia hirak ne’e, mane klosan fila ho neon nakraik, basa nia iha rikusoi barak. ²³ Tan ne’e Jesus dehan ba nia eskolante sira: “Tebes Ha’u dehan ba imi katak susar ba ema riku ida atu tama iha reinu lalehan. ²⁴ Tebes, Ha’u dehan ba imi katak lalais liu ba kuda kamelu ida tama iha daum nia kuak liu fali ema riku ida tama iha reinu lalehan.” ²⁵ Wainhira eskolante sira rona lia ne’e, sira hakfodak hodi dehan: “Nune’e se los mak bele soi an?” ²⁶ Jesus fihir sira hodi dehan: “Ba ema sira, ne’e la bele; maibe ba Maromak buat hotu bele deit.”

²⁷ Tuir mai Pedro hasa’e lia dehan: “Be ami nebe husik tiha buat hotu hodi tuir Ita Boot: ami sei hetan kolen sa ida?” ²⁸ Jesus dehan ba sira: “Ha’u dehan lialos ba imi katak iha mundu foun, wainhira Oan Mane tur iha nia kadunan gloria nian, imi nebe tuir Ha’u sei tur mos iha kadunan sanulu resin rua atu tesi lia ba suku sanulu resin rua Israel nian. ²⁹ Ema hotu nebe husik uma, maun alin, feton, aman, inan, oan sira ka rai, tan ha’u nia naran, sei simu dala atus ida liu tan hodi hetan mos moris rohan laek nudar liman rohan. ³⁰ Sira nebe ohin ne’e uluk, barak sei ikus fali; no sira nebe ohin ne’e ikus, barak sei uluk fali.”