22
Aiknanoik festa kaben nian
1 Jesus koalia
fali ho aiknanoik hodi dehan ba sira: 2 “Ita bele tanesan reinu lalehan nian ba
liurai ida nebe halo festa kaben ba nia oan mane. 3 Nia
haruka atan sira atu ba bolu konvidadu sira ba festa, maibe sira lakohi mai. 4
Nia haruka tan atan sira seluk, dehan: ‘Imi dehan ba konvidadu sira:
Aihan prontu tiha ona, ha’u nia karau ho balada sira oho tiha ona, buat hotu
nahe tiha ona, imi mai kaben.’ 5 Maibe, hanesan lia
la kona sira, ida ba tiha nia to’os, ida ba nia kontratu, 6
sira seluk kaer tiha atan sira, baku sira, oho tan sira. 7
Liurai laran nakali teb-tebes, haruka nia soldadu sira atu oho ema aat
sira ne’e hodi sunu sira nia sidade. 8 Hafoin nia
dehan ba atan sira: ‘Festa kaben prontu ona, maibe konvidadu sira la soi. 9
Ne’e duni, imi ba luron sira hodi konvida ba festa ema hotu nebe imi
hetan.’ 10 Atan sira sai duni ba luron sira no
halibur hamutuk ema hotu nebe sira hetan, diak no aat hodi halo festa fatin
nakonu. 11 Wainhira liurai tama atu hare konvidadu
sira, nia hare ema ida nebe la hatais unuk festa nian, 12
nia dehan ba ema ne’e: ‘Belun, tansa o tama iha ne’e la hatais festa
nian?’ Ema ne’e nonok hela. 13 Tan ne’e, liurai
dehan ba atan sira: ‘Imi kesi metin nia liman ho ain, soe nia ba nakukun iha
liur, iha neba sei iha tanis no ruun nehan’ 14 Basa
Na’i bolu barak, maibe hili uitoan deit.”
Kona ba impostu ba Cesar
15
Tuir mai, fariseu sira halibur an hamutuk hodi futu lia oin sa sira bele
kaer Nia iha liafuan ruma. 16 Sira haruka sira nia
eskolante sira hamutuk ho herodianu sira atu dehan ba Nia: “Mestre, ami hatene
katak Ita koalia lialos, Ita hanorin Maromak nia dalan tuir lialos, la tauk ema
ida, basa Ita la fihir ema. 17 Ne’e duni, dehan mai
ami Ita hanoin oin sa: bele selu impostu ba Cesar ka lae?” 18
Tan hatene sira nia laran aat, Jesus hatan: “Laran makerek sira, tansa
imi babeur Ha’u? 19 Imi hatudu osan impostu nian
mai” Sira hatudu denariu ida ba Nia. Nia husu: 20 “Se
nia ilas mak ne’e, ho buat hakerek ne’e?” 21 Sira
hatan: “Cesar nian” Ho ne’e, Jesus dehan ba sira: “Ne’e duni, imi fo ba Cesar
buat nebe Cesar nian, no ba Maromak buat nebe Maromak nian.”
22
Rona tiha ne’e, sira hakfodak; hafoin sira la’o tiha hodi husik Nia
mesak.
Kona ba moris hi’as
23
Iha loron ne’e mos, saduseu sira nebe la fiar moris hi’as, ba buka Nia
hodi husu ba Nia: 24 “Mestre, Moises hanorin katak:
‘Mane ruma mate karik oan la iha, nia alin sei kaben ho feto faluk ida ne’e atu
fo oan ba nia maun.’ 25 Iha ami leet iha maun alin na’in
hitu. Ida uluk kaben tiha, mate la husik oan hodi husik deit feto ba nia alin. 26
Ida tuir mai mos hanesan; ida seluk mos hanesan, nune’e hotu to’o ida
hitu. 27 Ikus liu hotu, feto ne’e mos mate. 28
Iha loron moris hi’as nian, sira na’in hitu ne’e ida nebe los mak feto nia laen, basa sira
hotu hola nia?” 29 Jesus hatan ba sira: “Imi hanoin
sala, basa imi la hatene Eskritura no Maromak nia kbiit. 30
Basa iha loron moris hi’as nian
mane no feto sira sei la hola malu tan, maibe sira sei sai hanesan anju sira iha lalehan. 31
Kona ba moris hi’as housi mate, imi la lee buat nebe Maromak dehan ba
imi: 32 ‘Ha’u mak Abraao nia Maromak, Isaac nia
Maromak, no Jacob nia Maromak.’ Nia la’os ema mate sira nia Maromak, maibe ema
moris sira nia Maromak!
33
Rona tiha Nia, ema lubun boot hakfodak ho nia doutrina.
34
Wainhira fariseu sira rona katak Jesus halo saduseu sira sai nonok, sira
halibur an hamutuk. 35 Sira ida, doutor ukunfuan
nian, husu hodi koko Nia: 36 “Mestre, ukunfuan ida
nebe mak boot liu?” 37 Jesus hatan ba nia: “O sei
hadomi Na’i, o nia Maromak ho neon ho laran, ho o nia klamar tomak. 38
Ida ne’e mak ukunfuan uluk no boot liu hotu. 39 Ida
tuir mai, atu hanesan nia mak: ‘O sei hadomi ema seluk hanesan o nia an rasik.’
40 Ukunfuan rua ne’e, ukunfuan sira hotu no profeta
sira nia hun.”
41 Wainhira fariseu
sira halibur an hamutuk, Jesus husu ba sira: 42 “Imi
hanoin sa ida kona ba Kristu? Nia se nia Oan?” Sira hatan ba Nia: “David nia
oan.” 43 Nia dehan ba sira: “Nune’e karik, tansa
mak David, tuir Espiritu nia hanorin, hanaran Nia Na’i hodi dehan; 44
‘ Na’i dehan ba ha’u nia Na’i: O tur iha ha’u nia sorin kuana to’o loron
Ha’u tau o nia funu balun sira iha o nia ain okos?’ 45 David
hanaran nia karik Na’i, nusa mak nia mos nia oan?” 46 Ema
ida la hatene atu hatan oin sa ba Nia; no hahu housi loron ne’e, ema ida la
berani atu husu tan Nia.
|