13

Kristu iha imi laran

                ¹ Oras ne’e, ba dala tolu, ha’u ba hasouru imi. “Tan lia sasin ema na’in rua eh tolu nian mak bele hametin lia todan ruma.” ² Ha’u fo hatene tiha ba sira nebe halo sala uluk no sira seluk hotu, no ha’u fo hatene ba sira oras ne’e wainhira ha’u seidauk to’o ba imi, hanesan ha’u fo hatene uluk wainhira ha’u iha imi nia leet wainhira ha’u hare imi ba dala rua, katak wainhira ha’u mai dala ida tan, ha’u sei la hanoin ema, basa imi buka buat ruma nebe hatudu katak Kristu mak koalia housi ha’u. Nia la kbiit laek iha imi nia oin, maibe kbiit wa’in iha imi laran. ⁴ Basa tebes duni, ema hedi Nia ba krus hanesan ema kbiit laek, maibe Nia moris tan Maromak nia kbiit. Nune’e mos ami kbiit laek iha Nia, maibe ho imi, ami sei moris hamutuk ho Nia ho Maromak nia kbiit.

                ⁵ Hare di-diak imi an atu hare imi moris iha fiar ka lae. Koko imi an. Imi la hatene  katak Jesus Kristu iha imi laran?  Ka, tebes duni, imi lakon wainhira Nia koko imi. ⁶ Ha’u hein imi sei hare katak ami la lakon. ⁷ Maibe ami harohan ba Maromak atu imi la bele halo buat aat, la’os katak ami manan ona, maibe atu imi bele halo buat nebe los, maski ema hanoin katak ami lakon. ⁸ Basa ami la bele halo buat ruma hasouru lialos, maibe ami bele moris deit ba lialos. ⁹ Ami haksolok wainhira ami kbiit laek no imi maka’as. Buat nebe ami husu wainhira ami harohan mak atu imi bele sai diak liu tan.

                ¹⁰ Ha’u hakerek surat ne’e wainhira ha’u seidauk to’o ba imi, atu wainhira ha’u iha imi leet ona, ha’u la presisa atu sai laran tos hodi kbiit nebe Na’i haraik tiha mai ha’u atu harii imi, la’os atu sobu rahun imi.

¹¹ Ikus mai, maun alin sira, haksolok ba. Halo diak liu tan imi nia moris, fo aten berani ba malu, halo imi nia lia tuir malu, moris iha dame laran ba, no Maromak domin no dame nian sei hela ho imi. Kumprimenta malu hodi rei malu ho laran santu.  ¹² Ema santu sira hotu kumprimenta imi.

                ¹³ Na’i Jesus Kristu nia grasa, Maromak nia domin no laran ida deit Espiritu Santu nian hela ho imi.