Índice | Palavras: Alfabética - Freqüência - Invertidas - Tamanho - Estatísticas | Ajuda | Biblioteca IntraText

New Testament in tetum

IntraText CT - Texto

  • II  PEDRO
    • 1
Precedente - Sucessivo

Clicar aqui para ver os links de concordâncias

II  PEDRO

 

1

 

Halo boot liu tan imi nia fiar

                1 Pedro, Jesus Kristu nia atan no apostolu ida, ba sira nebe simu tiha fiar hanesan ami nian iha Jesus Kristu, ita nia Maromak no Maksoin: 2 grasa no dame sai wa’in liu tan ba imi atu imi hatene Maromak no ita Na’i Jesus. 3 Maromak nia kbiit haraik tiha mai ita buat hotu nebe moris iha Maromak, hodi hatene Nia nebe bolu ita ba Nia rasik nia gloria no kmanek wa’in; 4 housi buat hirak ne’e, Nia haraik mai ita promessa boot nebe folin liu, atu housi sira ne’e imi la bele halo parte iha mundu nebe sai dodok dau-daun tamba hakarak aat, no atu imi bele halo parte iha Maromak nia moris. 5 Tan ne’e duni, haka’as an atu halo boot liu tan imi nia fiar ho hahalok diak sira; hahalok diak sira ne’e ho matenek; 6 matenek ne’e ho imi nia ukun an; ukun an ho laran metin; laran metin ho laran manas kona ba Maromak; 7 no laran manas kona ba Maromak ho domin ba malu nudar maun alin; domin ba malu nudar maun alin ho domin lo-los. 8 Basa wainhira imi iha ona buat sira ne’e no imi iha barak, sira ne’e sei hadook imi housi hahalok nebe folin laek eh ai-fuan la iha atu hatene ita Na’i Jesus Kristu. 9 Basa ema nebe kuran buat hirak ne’e matan delek no la hare dook no haluha tiha ona katak nia hamos an ona housi nia sala tuan nian. 10 Ne’e duni, maun alin sira, laran manas liu tan atu hametin buat nebe imi simu tiha, katak Maromak bolu no fihir imi; basa imi halo ida ne’e karik, imi sei la monu; 11 nune’e, ho kmanek wa’in, imi bele tama iha ita Na’i no Maksoin, Jesus Kristu, nia reinu rohan laek. 12 Ne’e duni, ha’u hakarak nafatin atu halo imi hanoin buat hirak ne’e, maski imi hatene ona no metin ona iha lialos nebe imi simu. 13 Ha’u hanoin, katak wainhira ha’u sei iha isin, ha’u halo los duni atu haka’as imi hodi halo hanoin fali, 14 basa ha’u hatene katak la kleur ha’u sei mate, nudar ita Na’i Jesus Kristu hatudu ona mai ha’u. 15 Ha’u sei hare katak wainhira ha’u la iha ona, imi sei hanoin fali sira ne’e iha tempu hotu.

 

Kristu nia gloria

 16 Basa ita la tuir hanorin nar-naran deit nebe ema haktuir ho matenek wainhira ami fo hatene ba imi kona ba ita Na’i Jesus Kristu nia kbiit no hiit an mai, maibe ami sasin hodi hare ho matan rasik nia kmanek wa’in. 17 Basa, wainhira Nia simu lia hahi no gloria housi Aman Maromak no rona lia nebe Maromak ho kmanek wa’in, hateten kona ba Nia, “Ne’e mak ha’u nia Oan doben, ho Nia ha’u haksolok liu,” 18 ami rona liafuan ida ne’e housi lalehan, basa ami hamutuk ho nia iha foho santu. 19 Ami hatene liu tan liafuan nebe profeta sira hateten nanis. Diak duni katak imi tau laran ba ida ne’e hanesan ahi oan ida nebe lakan nabilan iha fatin nakukun ida, to’o loron sa’e no fitun rai hun mutin nian sei lakan iha imi nia fuan. 20 Uluk knanain, imi sei hatene lo-los ida ne’e: katak liafuan iha Eskritura nebe profeta sira fo sai la bele esplika nar-naran deit, 21 basa liafuan profeta nian ida la sai housi ema nia hakarak, maibe tamba ema sira nebe Espiritu Santu leno dau-daun fo sai housi Maromak.

 




Precedente - Sucessivo

Índice | Palavras: Alfabética - Freqüência - Invertidas - Tamanho - Estatísticas | Ajuda | Biblioteca IntraText

Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License