II JOAO

1

Introdusaun

¹ Housi katuas, ba na’in feto nebe Maromak hili no mos ba nia oan sira nebe ha’u hadomi iha lialos, no la’os ha’u deit maibe mos sira hotu nebe hatene lialos, ² tan domin ba lialos nebe horik iha ita no hela ho ita nafatin. ³ Ba imi grasa, laran luak no dame housi Aman Maromak no housi Jesus Kristu, Maromak nia Oan, iha domin no lialos.

Lialos no domin

                ⁴ Ha’u haksolok tebes wainhira ha’u hatene katak ita boot nia oan balun la’o tuir lialos, tuir ukunfuan nebe ita simu housi Aman. ⁵ Ohin ha’u husu ita, na’in feto, la’os nudar ida nebe hakerek ukunfuan foun, maibe nudar houri uluk ita hotu simu ona, katak imi hadomi malu; ⁶ no ne’e mak domin: katak ita hotu la’o tuir nia ukunfuan sira. Ukunfuan  mak ne’e: katak ita hotu la tuir domin, nudar imi rona ona houri uluk kedas.

                ⁷ Ohin bosokten barak mosu ona iha rai; sira ne’e la fiar katak Jesus Kristu halo tiha an ba mane. Ida ne’e mak lohidor no anti-Kristu. ⁸ Imi rasik hare ba; atu imi keta lakon buat nebe imi hetan ona ho imi nia serbisu, maibe manan imi nia kolen. ⁹ Ema tomak nebe la la’o tuir no la horik iha Kristu nia hanorin la hela iha Maromak; ida nebe laran metin ba hanorin ne’e hela iha Aman no iha Oan. ¹⁰ Ema ida mosu ba imi karik nebe la lori hanorin ne’e, keta simu nia iha imi nia uma eh kumprimenta nia, ¹¹ basa se mak kumprimenta nia halo parte iha nia hahalok aat.

Liafuan ikus nian

¹² Ha’u iha tan buat barak atu hakerek ba imi, maibe ha’u lakohi halo ne’e ho surat tahan no tinta, basa ha’u hein atu bele ba hasouru imi no koalia oin ba oin ho imi, atu ita hotu haksolok lolos. ¹³ Ita boot nia doben feton nia oan kumprimenta ita.