III JOAO

1

Introdusaun

                ¹ Housi katuas, ba doben Gaio, nebe ha’u hadomi iha lialos: ² Ha’u nia doben, ha’u hein katak o la’o ba oin iha buat hotu no o hetan isin diak, nudar o nia klamar la’o ba oin. ³ Ha’u haksolok tebes tamba wainhira maun alin sira balun mai; sira fo sasin mai ha’u kona ba lialos o nia moris nian, katak, oin sa o la’o iha lialos. ⁴ Mai ha’u la iha ksolok boot liu ida ne’e katak ha’u rona kona ba ha’u nia oan sira nebe la’o tuir lialos.

Katuas nia hahalok diak

                ⁵ Ha’u nia doben, o hatudu o nia laran metin ho buat nebe o halo ba maun alin sira no liu-liu ba sira nebe la’o rai; ⁶ sira fo sasin mai ha’u kona ba o nia domin iha kreda nia oin. Hare didiak ba kona ba buat nebe sira kuran iha dalan, iha Maromak futar oin; ⁷ basa iha Nia naran duni mak sira la’o, la hodi simu buat ida housi gentiu sira. ⁸ Tan ne’e, ita sei fo tulun ba sira atu ita bele halo parte iha sira nia serbisu atu haklaken lialos.

Diotrefes no Demetrio

                ⁹ Ha’u hakerek ona liafuan ruma ba Kreda, maibe Diotrefes, nebe buka deit nia an, la rona ha’u. ¹⁰ Tan ne’e, wainhira ha’u mai, ha’u sei hatudu buat hotu nebe nia halo, katak hateten lia aat oi-oin kona ba ha’u. La’os ida ne’e deit; nia mos la simu ita nia maun alin sira, no la husik sira nebe hakarak simu sira hodi duni sai sira housi kreda.

                ¹¹ Ha’u nia doben, keta halo tuir buat nebe aat, maibe halo tuir buat nebe diak. Ema nebe halo diak mai housi Maromak; ema nebe halo aat seidauk hare Maromak.

                ¹² Kona ba Demetrio, ema hotu fo sasin ba nia no mos lialos rasik fo sasin ba nia. Ami mos fo sasin ba nia no o hatene katak ami nia sasin los.

                ¹³ Ha’u sei iha buat barak  atu hakerek ba o, maibe ha’u lakohi hakerek ho kanete no tinta. ¹⁴ Ha’u hein atu hare o lalais, no ita sei koalia oin ba oin.

Liafuan ikus

                ¹³ Ha’u iha buat barak tan atu hakerek, maibe ha’u lakohi halo ho surat tahan no tinta. ¹⁴ Maibe ha’u hein katak la kleur ha’u bele hare o no ita sei koalia oin ba oin.

                ¹⁵ Dame hela ho o. Belun sira kumprimenta o. O mos kumprimenta belun sira ida-ida.