Coss'oggio mo da far?

Se me fido, ho paura;

Se no me fido, tremo;

Se vago, posso deventar regina,

Ma posso anca morir.

Se resto, ho perso

Tutta la mia speranza.

Voggio pensarghe suso;

Proprio me sento in petto el cuor confuso.

Mi me trovo in sto momento

Tra l'ancuzene e 'l martello;

Vorrìa esser un osello

Per svolar de qua e de là.

Povera grama, son qua mi sola,

Nissun mi trovo che me consola.

Chi me conseggia per carità? (parte)