Scena duodecima

Prospero e detti.

prospero (assai contraffatto) Ecco il denaro... (A Ludro traendo una borsa) Tanti zecchini!...

ludro (agli altri) Con permesso che gh'ho un afar. (Prende il denaro da Prospero, lo versa su di un tavolino e lo conta, dicendo) Bravo!... la lassa veder... A ela el sò contrato... (gli da un foglio e segue) i forma precisamente dusento ducati... (riponendo il denaro e seguitando) cinquanta ghe n'avemo avudo che val dusento e cinquanta. - Adesso ghe mandarò a casa la so gabia benemerita (traendosi il cappello) che ha servido de campion. A tempo debito ghe sarà pagà da mi la cambial dei cento e cinquanta ducati. Ghe ne resta cento, n'è vero?

PROSPERO Sí.

ludro Ben, de sti cento dunque, sessanta ela ghe ne scoderà doman de matina da sto signor (accennando Giulio) per pagamento del so debito; e i altri quaranta che avanza la compatirà se fra lu e mi se li magnaremo, prometendo per altro de farghe un brindese in so rivarito onor.

PROSPERO Come!... È stato per colui?... Ah povero me!... Mi affogherei con le mie mani!

LUDRO La fassa liberamente quel che la vol che qua nissun ghe l'impedisse.

prospero Ma che vi ha indotto a usarmi un tal tratto?

ludro Gnente altro che la premura de darghe un segno dela stima e del ben che ghe vogio - In do parole: no volevela la rovina de sto galantomo, e l'infamia dela so famegia?... Va benissimo; mi me so' messo de mezzo, ho rimedià a sta facenda e ela la paga le spese.

prospero Sí, mi sta bene... merito peggio!... - Ma lascia fare, che un giorno o l'altro mi vendicherò (parte).

LUDRO (salutandolo all'amichevole) Caro vechio! (A Giulio) La me fassa adesso el servizio de andar a tior fora sior Lodovico, la ghe conta el risultato dela mia operazion...

gherardo (a Giulio) E voi pure, o signore?...

giulio Mi ha pregato, gli devo molto, la mira non tendeva che al bene...

ludro No parlemo altro, che i discorsi longhi me fa vegnir mal. La favorissa de andar a far quel che gh'ho dito...

giulio Eccomi pronto (entra nel caffè).