Scena decima

Giulio e detto.

giulio (affannato) Amico, amico mio!

ludro Ecco qua el pare dele disgrazie. - Cossa xe sta?

giulio La sentenza è uscita, e poco fa mi è stata intimata (dà un foglio a Ludro).

ludro Ben: gh'avemo sempre tre zorni de tempo a pagar; dunque ne ne avanza.

giulio E sperate che il denaro...

ludro El denaro gh'è (scorre con l'occhio il foglio).

giulio Datemelo dunque, non mi fate piú penare. Lasciate che io possa portarlo a quell'indegno, e quindi che gli rinfacci il suo infame procedere verso la mia sfortunata compagna. Dove sono i sessanta ducati?

ludro (ritornandogli il foglio) A pian, perché no ghe xe gnancora la soma intiera. Anzi aspeto la persona che gh'ha da passar de qua per andar a casa a disnar... (Osservando fra le scene) E se no falo... Perdiana che el xe qua. Ritireve subito in cafè... No stè a moverve, no ve fè veder fin a tanto che no gh'ho termina l'afar.

giulio Io non intendo... farò come volete (entra nel caffè).

ludro Ludreto, el mio zovene, xe messo all'ordene, e presto el vegnirà a farme da secondo. Intanto muso duro, e a nu.