Scena undecima

Prospero traversando la scena, e detto.

prospero Addio, amico.

ludro Oh bravo sior Prosparo: gi era giusto direto per vegnirla a trovar a casa.

prospero Che c'è di nuovo?

ludro La persona che gh'ha rilassa la cambial dei cento e cinquanta ducati m'ha fermà in sto momento in piazza per dirme...

prospero Saremo forse alle solite?

ludro Cioè?

prospero Che nei cinquanta ducati che gli ho dati vi è qualche moneta calante? Io non ne voglio sapere. Il denaro l'ho dato a voi, voi lo avete trovato buono...

ludro Eh no se parla de questo. I bezzi ghe l'ho dai che sarà do ore, e su queli no gh'è piú da parlar. - El discorso xe circa la nota dela mercanzia che l'ha ricevudo.

prospero Delle cento gabbie?

ludro De le cento gabie.

prospero Bene: voi sapete come vanno trattati questi affari. Ditegli che parlerete con qualcheduno: che ora del genere non vi è ricerca... Piú tardi, che con grande stento avete trovato il compratore; e con poche lire.... insomma il solito giro. Addio, addio.

ludro Ma le se ferma perché qua no ghe xe bisogno de tanti ziri e riziri. - La sappia che la persona gh'ha trovà a sta ora chi rileva tuta la mercanzia...

prospero Come!

ludro E mi so' incarica de dirghe che prima de sera la ghe fazza aver a quel tal le altre novantanove gabie eguali precisamente al campion che mi ho consegna, perché el gh'ha trovà l'ocasion de venderle tute cento a do ducati d'arzento l'una.

prospero Questa è una bricconata!

ludro O briconada o no briconada, el fato sta che ela gh'ha cedudo nel contrato la mercanzia, e che lu gh'ha el dirito de pretenderla e de ritirarla quando che el vol.

prospero Come ho da fare a trovar novantanove gabbie simili a quella che gli ho consegnata?

ludro E ela la ghe conta l'equivalente de quelo che el pol guadagnar.

prospero Questa è un'infamia!... Il compratore non può esistere.

ludro Che l'esista o no, questo xe un altro afar. El fato sta che el so debitor deventa in sto momento creditor verso de ela: che ela xe in obligo o de contarghe subito dusento ducati, o de mandarghe imediatamente a casa la mercanzia, altrimenti el la farà citar al tribunal come una persona che ha messo in comercio un ogeto che no ha mai esistio, e ela terminerà in preson.

prospero (fremendo e scuotendo la canna) Ludro, questa è un'azione infame...