Scena decimaquarta

Lodovico e detti.

lodovico (premuroso) Finalmente vi trovo.

ludro Ben tornato da Padoa.

carletto (Eco la maschera che m'ha regalà el talaro).

LODOVICO Voi saprete...

ludro Sior sí, so tuto. El biglieto che la gh'ha da a siora Anzoleta, siora Anzoleta po me l'ha fato capitar a mi (lo fa vedere).

giulio (Quanti imbrogli ha quest'uomo!)

LODOVICO Dunque che posso sperare?

LUDRO Sperar? Per bon augurio la sapia intanto che sò sior pare e el pare della ragazza i s'ha trova qua insieme mezz'ora fa...

lodovico (con premura) Ebbene?...

LUDRO E i s'ha protestà reciprocamente che no sarà mai possibile che i consenta a sto matrimonio.

LODOVICO Giusto cielo!

ludro So sior pare conta moltissimo su la so obedienza: e infati ela ghe ne da un sagio essendo qua in vece de esser a Padoa come lu gh'aveva ordenà.

LODOVICO Che s'ha da fare dunque?

LUDRO Cossa vorla far... la lassa andar sta frascaria...

LODOVICO Frascheria?... È amore, amore!...

LUDRO Per mi la pol dirlo dusento volte che no so cossa diavolo el sia.

lodovico Ah meschino di me! Perdo Angelina! ho irritato mio padre!... Non ho chi mi soccorra!... (siede dolente).

giulio (Povero giovine!... mi fa compassione).

LUDRO (dopo un momento) Ho capío: avemo agiutà sto desperà... agiutemo anca st'altro. (Pensa un poco) L'aspeta, la vegna qua... (Dubbioso da sé) (Mi me par che in sto modo... sior sí). (Deciso a Lodovico) La fassa una cossa: la libera sul momento el vechio servitor Gregorio; la ghe diga che el vada da so sior padre, che el ghe conta tuta l'istoria e che el ghe diga che ela no xe anda a Padoa, ma che la xe ancora qua.

lodovico Che dite mai!... questo è un far peggio.

ludro (in tuono compassionevole) Cossa sala mai ela de pegio o de megio a sto mondo.

carletto (prendendo il tuono di Ludro) Cossa sala mai ela de pegio e de megio...

ludro (interrompendolo) Zito!... (accostandosi a Carletto) Ela la staga ben atento a quel che ghe digo, e la varda de no falar. - La cerca in qualche maniera de incontrarse co sior Fabrizio el pare dela ragazza...

CARLETTO Sior sí.

ludro La ghe diga che la gh'ha visto la so puta a parlar dala fenestra co sto signor, e po vardarse atorno co paura e butarghe abasso un biglieto.

carletto Va ben.

ludro E vardemo de no imbrogiarse, de far le cose pulito se se pol.

carletto La se lassa servir: me par fin adesso...

ludro E basta!... e no ocore altro, digo!...

lodovico Ma voi in questo modo precipitate ogni cosa!...

ludro (non badandogli) Sior Giulio, no la se perda: de qua un'oreta la se trova in cafè che gh'avarò bisogno anca de ela.

giulio Disponete di me.

lodovico Ma Ludro tutto questo?...

ludro Oh povareto mi!... - No vorla la regazza?

lodovico Sí, ma...

ludro Dunque la la gh'avara.

lodovico Come?

ludro Prima de sera la la gh'avarà.

lodovico Voi promettete l'impossibile.

ludro L'impossibile?... La ghe domanda a sto galantomo se quando che imprometo una cossa so' capace de mantegnirla.

lodovico Ma il mezzo...

ludro (infastidito) El mezzo... el mezzo sta fra principio e el fin. (A Giulio) Sior Giulio, la vaga a disnar alegramente co la so famegia, e po la vegna qua che l'aspeto. (A Carletto) Vu andè a far quel che v'ho dito, e vardè ben de no falar. (A Lodovico) Ela la manda subito Gregorio da so pare... (Lodovico vorrebbe parlare) E no la me seca altro, no la me rompa altro la testa, la staga quieto che prima de sera la la gh'avarà.