Scena decimaquarta

Carletto con fogli, Berto e detti.

carletto (a Ludro) Ho terminà... (Cossa falo? Negozialo anca de done?)

ludro (prendendo le carte) Va ben. (A Lodovico) La fazza i sò complimenti co sta signora, e intanto che ela e la sò compagna va da quela parte nu altri andaremo da st'altra. - Berto, gh'aveu la letera?

berto Sí signore, eccola qui.

ludro Va benissimo. (A Lodovico) Favorissela?

angelina Non potrebbe egli accompagnarci fino alla porta di casa?

ludro Mi no ghe vedo sta necessità.

cristina Può venire anche Berto: siamo due donne sole.

ludro Come che le xe vegnude sole, le pol anca andar.

carletto Se le comanda, le accompagnarò mi.

cristina Oh sí, che ci faremo vedere con Ludretto al fianco.

carletto Carletto la vol dir. (Maledeta! anca ela sa de Ludreto).

lodovico Posso andare?

ludro Per mi diria de no.

angelina Siate buono: siate condiscendente almeno in questo.

cristina Non si tratta che di quattro passi.

angelina È la cosa d'un momento.

ludro E po le se fermerà un'ora a discorer sula porta. Mi so cossa che xe i morosi: co i scomenza a parlar no i la finisse piú.

angelina No, ve lo prometto.

berto Via, signore, quando una bella padrona e una gentil cameriera pregano...

ludro Va là che le gh'ha trova giusto quelo che se fa far zoso dale bele done! Prima de tuto i ani xe passai e po fin da quando che gi era in tel mio fior fra una bela zovene che pregava e una vechia che gh'aveva dei bezzi, gh'ho dà sempre la preferenza ale vechie.

cristina Oh scusatemi poi questo era un agire...

ludro Da Ludro, lo capisso benissimo: ma mi za l'ho sempre intesa cussí.

angelina Ve la passiamo buona, purché ci concediate adesso...

ludro In suma, sior conte la vaga, la le compagna, e la fazza presto che l'aspeto qua.

lodovico Prima anderò a spogliarmi, perché viaggiare...

ludro La se cava la spada, la se meta un codegugno, un capel tondo, e no la perda altro tempo.

lodovico Ho inteso.

cristina Berto, andiamo avanti a vedere se mai per caso da qualche strada sbucasse fuori il padrone (Cristina, Berto, Angelina e Lodovico partono)

ludro Vardè che stomeghezzi, che caricature... Per far do passi inseme... I me fa proprio vegnir mal.

carletto Anca mi la veda!... Me piase la sò massima: dele vechie co dei boni soldi.

ludro Mah! anca de quele se va perdendo la stampa.

carletto Mi no so cossa dir: se va via tutto el megio da sto mondo, cossa sarà de nu?