Scena duodecima

Carletto affannato, e detti.

carletto (a Ludro) La diga, la vegna subito in piazza. Soto le Procurartíe ghe xe quelo del negozio dele gabie che el fa un casa del diavolo. El dise a tuti che la gh'ha dà in conto dela roba che no la gh'aveva, e che se no la ghe la fa aver sul momento, el la farà ligar.

ludro Sentela? so' compromesso mi.

carletto Anzi me par de aver sentío a dir che el gh'ha trovà a sta ora un secondo comprador che ghe dà cinquanta ducati piú de quell'altro.

prospero Ah ladri, assassini tutti due... (prendendo Carletto per il collare) e tu piú del tuo principale...

carletto La diga, la me lassa star... (liberandosi) che son capace de darghe una rassegna de pugni...

ludro A monte, a monte. In conclusion paghela i soldi, o vorla che andemo per tribunal?

prospero Consulterò il mio procuratore.

ludro El so procurator ghe darà torto.

CARLETTO Torto.

prospero (tremando di rabbia) Farmi mangiare cosí in un punto cento ducati!

ludro La paga.

carletto La paga.

prospero Mi si offusca la vista... mi tremano le gambe...

ludro No se fa ste figure.

carletto No se fa ste figure.

prospero (avviandosi) Ah la rabbia... il dispetto...

ludro La paga.

carletto La paga.

prospero Sento che non ne posso piú (parte).

ludro (seguendolo) La paga... (Tornando al proscenio ridendo) Ti gh'è resta drento razza de can!... Adesso po digo francamente che sfido a trovar un Ludro piú Ludro de mi.